1 Ritu ngamba, a wu Timoty riwa wu he ka vren won , vu sron ritu ndindi ti ri kabrutu riwa Kristo Yeso ngiji ye. 2 Bi wo wen me tsro yi tre ritu Kristo nga mgbron nji kigbu, ngamba me wa no tsro wawa wa hu Izhi itre riwa wu tsro-a ri wa hu Izhi wari wawa wu nyɨme wa nga no wawa ngawen no wa tsro nji wari. 3 A wu vu sron rimi so yaa bibi riwa nji ri klukpa riwa Yeso Kristo. 4 Inji riwa a ran he wa klukpa ran ri ti bibi kya riwa wawa wa ran he wa klukpa ran ri wati ran, ritu ari wa ran si nji ri ko wan sron. 5 Nghambame nji riwa ari tsutsu a ran ri tsutsu wan ran tsede a hu doka riwa wa ti ri rinɨran ri wurutsu. 6 Inji riwa ari tindu bran nye ari gbuchi ri ri ri mimilan. 7 Taka ritu kya riwa me la nyi, i wu ti Bachi ri zon-u no to kyawa wanyi iwawu.

8 Taka Yeso Kristo riwa wa ta-shɨme rimi kuu riwa a he gɨzhi Doda. Rinyi nye he tre riwa me tsro nji, 9 Ritu riwa me bla tre ndindi, me so yaa wa lo wen ri che ka nji riwa a ti kya meme. 10 Ritu ngamba me vu sron ri kongye ritu wawa Izhi zhu wa, no wawa ngawen no wa kpanyɨme ri Yeso Kristo wari fe kpa chuwo nga wari fe mkpen riwa a ran kre ran.

11 Itre nyi he njanji tre ri:

Inde ki kuu ri wu,

ki son ri wu ngawen,

12 Inde ki vu sron, ki kii ri wu ri kpanchi ngawen

inde ki kambu ri to-u,

wawu ngawen ri kawan ri ta,

13 Inde ki ran he ri kpa nyɨme ran,

wawu ri kpa nyɨme ri ta

wawu ran kawan ri ngawan ran.

14 Timoti, sondu ran taka ri wawa wa hu Izhi kyawa riwa me tre nyi; fen wa ton kusi Izhi no wa ran janyu ri ngamba ritu tre, bibi janyu mba a he kuklu, nga ari no wa pisi. 15 Ti ndu ri senkpa wen ritu inde wu ka ngawen tsro Izhi, ari tre ri,<<Me chi wu ri ndu.>>He bibi nji ri ndu riwa ari ti ndu bran, a ran ri ti shan ri ndu wan ran nga nji riwa ari milan ndu Izhi ti. 16 Ama ran kabru ri wawa wa tre tre ri kuklu ran. Ritu wawa wa ti ngamba wa ran ri hu Izhi ran. 17 Itre mba ri shan hi kpata ran kpanji time ka njon riwa a bu. Rimi mba a he wa Filetu nga Aminayas riwa wa tsro bibi tsro nyi, 18 wa ka nkon ri njanji chuwo, wa tre ri itashime ka vu yiba, wa yo sron wari time-e. 19 Kau ri ngamba me, wa nji Izhi wa he ka inchi tra riwa a ran ri chu ran ri tu nchi tra nyi Izhi ngan wɨlo tre nyi itre ri mimilan:<< Bachi to wawa wa he wa ma.<<Ngha, tre ri han wan a tre:<<Wawa wa tre wawa wa he wa hu Izhi no wa ka ti meme ti chuwo.<<

20 Rimi nchon ko wawa wa he ri wo iri wari wa he wa vangho, wa ti wari ri zinariya nga azurfa, ama wari wa ti wa ri konkron nga azurfa ri nkon wa mkpen ri nga nvangho wari wa ti ndu ri wa, a ran he ri mkpen ran. 21 Ri ngamba, inde nji riwa ari hu Izhi riwa a ka wa meme nkon chuwo, ari he ka nvangho riwa wa tindu ri wu rimi nkon mkpen, ison wan he ri tsitsri nga nji riko wan ri tindu ri wu ari milan son riwa ko bibi ndu ritan ye wa no no ti.

22 A wu Timoti, ka nkon meme riwa mirinze wawa wa ti chuwo, wuri hu nkon riwa a bi, yosron, inyɨme, isi sron, wa kyawa wa nyi ran wa nji wawa wa hu Bachi ri tsitsri sron. 23 Ran janyu ri mkpran riwa wa he ri kuklu ran. Ritu wa ngɨzhi wanyu ye. 24 Inji riwa ari ti ndu ri Bachi a ran bi no janyu ran: Tsede, no he ri rereri ko ngaa, no he nji riwa ari to tre ri ko ngaa, nga ran vu sron ri wa nji. 25 No he nji riwa ari tre zho ri wa kpan fu wan, ritu Izhi ri to no wa no wa ka meme ti mba chuwo, ran dzon wa no wa to kya riwa a he kpunji 26 Ritu no sron mba no ye bubu riri wari jɨbu rimi gbengbren meme nji. Meme nji gyuru wa no wa ti kya riwa wawu ri wa.