Məfàa bʉə ndə bɔ̂ŋ bɛ bəntəŋbəshʉ
13 Bʉʼka Tiekətʉ, b̈ii ké ŋwɔŋ-yii tʉ ntəŋbəshʉ təmiyɔŋ mu bʉəməsʉʉ, kə bɛ Fɔŋ ndə ɔ tʉʼ gìe hə kətʉ bəfɔŋ, 14 byuunɔ bəgɔməna ndə ɔ tʉʼ tə́ŋ bɔŋ ndə məchɔ́ŋhə bʉə ndə bɔ̂ŋ tʉʼ chìi bʉ̂ʼʉ bɔŋleʼ kɔ́ yie jyujyu tʉ bʉə ndə bɔ̂ŋ tʉʼ fɔ̀ʼ nu-jyujyu-bə.
15 Nɔ bɛ nukə nɔ ndə Nyii kʉ̀ʉ, mbɔ kaʼ bii kə́ fɔ̀ʼ bʉʉ, bii bu chíe chu bənɔ̌ʼɔ ndə bɔ̂ŋ gòʼ təmə kínə shʉəŋ fɛ. 16 B̈ii kə́ chí mbi nə bʉə ndə tʉkə-ʉə nɔʼ lʉ́ʉ bɔŋ. Kə bii mə bɔŋ lʉ̀ mbɔ tʉkə-ii nɔʼ lʉ́ʉ bii tíŋ hə bɔ̌ŋ ghɔ kə́ chìi bʉ̂ʼʉ fɛ, bii nɔ kie ndə mə-kə́-chí mbi nə vâafɔʼɔ-Nyii. 17 B̈ii kɔ́ kuŋhə tʉ bʉə bənchəŋ. Kʉ̀ʉ bəbɛʼbə bəliŋ-bii ndə bɔ̂ŋ nɔʼ bɛ́ŋ Nyii. Fàa Nyii. Kɔ́ kuŋhə tʉ fɔŋ.