BaKolosi 1

Iratek Anet-Isheshek

15 AYeso Kristi yet ikyɛng idi Adakunom, nek Adakunom ba kyem ba ku di awo, Anet-Isheshek me yet nggon imɛsɛng e azaton nkyɔrɔk fɛ́ ba nye. 16 Ni wu Adakunom di nye kaakyi ikyɛng ni kubɔk wu: nkyɔrɔk fi in se azanɛn ni nfɛ́ azatse, nyɔng fɛ́ ba yere ni nyɔng fɛ́ ba di ina awo, ke ni in yet ata igwɔm ke bafɛ́ agap ke bágwɔm ke bafi kukyem ayi; ngma nkyɔrɔk e nang iwu fɛ́ a nye ina, mok ice wu. 17 Anet-Isheshek wu a yet kashon akaakyɛ, ni wu fɛ́ ngma nkyɔrɔk kana yisik mo gyat na narɔ na. 18 Iwu fɛ́ a yet ice kurɔm e, itusung bafi ikuus; iwu fɛ́ a yet afi imɛsɛng e nɛ afi imɛsɛng ayɛt idorok bafaben, nɔng ayɛt akaakyɛ iwu da sot afɛ́ ashon. 19 Nek Adakunom kin bɛ́ kafa kakan na ku shining ni nse wu ngma kusum. 20 Ayɛt wu fɛ́ Adakunom di bɛ́ ni inosong-ashi na akaakyi ikyɛng. Ke nin in yet nkyɔrɔk fi in se azatse ke in yɔng fi in se azanɛn ayi. AYeso bɛ́ ni kusot kukyang ni irèn inosong nasok wu naton kukum e.