16 ମୁଇଙ୍ଗ୍ ଗୁଆର୍‌ବେଃଚେଃ ଲିଜ ବ୍ରି ବିଃନେ ନିଅମ୍‌ ଅନୁସାରେ ଆତେନ୍‌ କାମ୍‌ ଡିଂନେ ନ୍‌ସା ନିଅମ୍ ଡିଂବକ୍ନେ ରେମୁଆଁନେ ମରନ୍ ପର୍‌ମାନ୍ ଡିଂନେ ଦର୍‌କାର୍ । 17 ଡାଗ୍‌ଲା ଦାନ୍ ଡିଂବକ୍ନେ ରେମୁଆଁ ମ୍ବ୍ରଲେଃନେ ଜାକ ନିଅମ୍‌ନେ ଇସାବ୍‌ରେ ଅଦିକାର୍ ଣ୍ଡୁ; ମୁଇଙ୍ଗ୍ ମେଁନେ ମରନ୍ ଇଡ଼ିଙ୍ଗ୍ ଆତେନ୍‌ କାମ୍ ଡିଂଏ । 18 ଆତେନ୍‌ସା ପୁର୍‌ତୁମ୍ ନିଅମ୍ ଣ୍ଡିଗ୍ ଚିନାବାନା ବାନ୍‌ କାମ୍ ପୁରନ୍ ଡିଂଲେଃଗେ । 19 ପୁର୍‌ତୁମ୍ ମୋଶା ସାସ୍ତର୍‌ନ୍ନିଆ ଗ୍ନୁଆର୍ ଲେଃକ୍ନେ ନିଅମ୍‌ ଇଂ ରେମୁଆଁଇଂନେ ଡାଗ୍ରା ବାସଙ୍ଗ୍‌କେ । ତେନ୍ଇଡ଼ିଂ ମେଁ ଅରେଃ ଆରି ଗିମିନେ ମିଆଁ ଣ୍ଡିଆ ଏତେ ଆମିସୁଚେ ଏସୋବ ପାଃଡ଼ୁ ଆରି ଇତୁଡ଼ା ମିଆଁ ବାନାନେ ମେଣ୍ଡା ଉଗ୍‌ବ ବାନ୍‌ ସାସ୍ତର୍‌ ଉଲିଆ ଆରି ରେମୁଆଁଇଂନେ ଆଡ଼ାତ୍ରା ଉର୍‌ଚିଗ୍‌କେ । 20 ବାରି ମେଁ ବାସଙ୍ଗ୍‌କେ, "ମୁଡ଼ି ନିଅମ୍ ପାଲନ୍ ଡିଂନେସା ଇସ୍‌ପର୍ ଆପେକେ ଆଦେସ୍ ବିଃବକେ, ଆକେନ୍ ମିଆଁ ଆତେନ୍‌ ନିଅମ୍‌କେ ଆଦେସ୍‌ ଡିଂଡିଂକେ ।"