1 ମୁଇଂତର୍‌ ଜିସୁ ପୁଣ୍ଡେନେ ଦିନା ଚଙ୍ଗ୍ ନ୍‌ସା ପାରୁସିଇଂନେ ମୁଇଙ୍ଗ୍ ମ୍ନାରେନେ ଡୁଆ‍ ୱେଗେ ମେଇଂ ଜିସୁକେ କେଲେଃଆର୍‌କେ । 2 ବାରି କେଲାପା ମେଁଇଂନେ ସାମ୍‌ନାରେ ମୁଇଂଜା ପାରାଲିସ୍ ରଗ୍ ଡିଙ୍ଗ୍‌କ୍ନେ ରେମୁଆଁ ଲେଃକେ । 3 ଆତ୍‌ବାନ୍ ଜିସୁ ଦର୍ମସାସ୍ତ୍ରି ଆରି ପାରୁସି‍ଇଂକେ ବାଲିର୍‌କେ ପୁଣ୍ଡେ ବେଲା ନିମାଣ୍ଡା ଆଡିଙ୍ଗ୍‌ନେ ନିଅମ୍‌ ଲେଃ ଣ୍ଡୁ ? ଡାଗ୍ଲା ମେଇଙ୍ଗ୍ ବୁଙ୍ଗ୍‌ଲେଃ ଆର୍‌କେ ।

4 ବାରି ଜିସୁ ଆମେକେ ସାଚେ ନିମାଣ୍ଡା ଆଡିଙ୍ଗ୍‌କେ ଆରି ବେ ବିଃକେ । 5 ✝ଆରି ଜିସୁ ଆମେଇଂକେ ବାସଙ୍ଗ୍‌କେ, ପେଇଂନେ ବିତ୍ରେ ଜାଣ୍ଡେ ନିଜର୍ ଉଙ୍ଗ୍‌ଡେ ବା ଅରେଃ କୁଇଁସାଲ୍‌ ଲଃଲା ମେଁନେ ଆମେକେ ପୁଣ୍ଡେନେ ଦିନା ଟାପ୍‌ନା ୱେଚେ ପେରାତଃଡ଼ିଆ ଣ୍ଡୁ ?

6 ଦର୍ମସାସ୍ତ୍ରି ଆରି ପାରୁସିଇଙ୍ଗ୍ ଆକେନ୍ ସାପା ସାମୁଆଁନେ ମେଃଡିଗ୍‌ ବାଲିର୍ ଆୟାଆର୍‌କେ ଣ୍ଡୁ ।

7 ଆରି ବାଲିର୍‌ବକ୍ନେ ରେମୁଆଁଇଙ୍ଗ୍‌ ଡିରକମ୍ ମ୍ନା ଟାନ୍ ତୁର୍ ଡିଂଆର୍‌କ୍ନେ ଆକେନ୍ କେଚେ ଜିସୁ ଆମେଇଂକେ ଆକେନ୍ ସାମୁଆଁ ବାସଙ୍ଗ୍‌କେ । 8 ଉଡ଼ି ବେଲା ପେ ଆଣ୍ଡିନେ ରେମୁଆଁ ବାନ୍ ବିଏବ ଚଙ୍ଗ୍‌ନେ ୱା ବଏ ଆତେନ୍‌ ବେଲା ମୁନାନେ କୁକନେ ଟାନ୍‌ନିଆ ଆକଗେପା ଡାଗ୍ଲା ପେବାନ୍ ଜବର୍ ମ୍ନା ରେମୁଆଁକେ ମେଁନେ ବାନ୍ ୱା ବଏ । 9 ଆରି ଜେ ଆନାକେ ଆରି ଆମେକେ ୱାବଏ ମେଁ ପାଙ୍ଗ୍‌ଚେ ଆନାକେ ବାସଙ୍ଗ୍ଏ ଆକ୍‌ମେକେ କୁକନେ ଟାନ୍ ବିଃ; ବାରି ଆତେନ୍‌ ବେଲା ନାନେ ଗିଆସଚେ ଡାଆଁନେ ଜାଗାନ୍ନିଆ କୁକ ନ୍‌ସା ପେୱେଏ । 10 ଡାଗ୍‌ଲା ଉଡ଼ିବେଲା ଆପେକେ ବଜିନ୍ନିଆ ମୁଇଂଜା ୱାଏ, ଆତେନ୍‌ ବେଲା ୱେଚେ ଡାଆଁନେ ଜାଗାନ୍ନିଆ କଲାପା; ଡିରକମ୍ ୱାବକ୍ନେ ରେମୁଆଁ ପାଙ୍ଗ୍‌ଚେ ଆପେକେ ବାସଙ୍ଗ୍ଏ, ଅ ବନ୍ଦୁ, ମ୍ନାନେ ଜାଗାନ୍ନିଆ ପାଙ୍ଗ୍‍ଲା; ଅଃତେନ୍‌ ବେଲା ପେନେ ଏଃତେ ଚଙ୍ଗ୍ କଲେଃକ୍ନେ ସାପା ରେମୁଆଁନେ ସାମ୍‌ନାରେ ଆନାକେ ସନ୍‌ମାନ୍‌ ମିଲେଏ । 11 ✝ଡାଗ୍‌ଲା ଜାଣ୍ଡେ କି ନିଜେକେ ମ୍ନା ଡାଗ୍‌ଚେ ଆଃସୁଏଃଏ ଆମେକେ ଗୁର୍‌ନା ଆଡିଙ୍ଗ୍‌ଆର୍ ବାରି ଜାଣ୍ଡେ ନିଜେକେ ହିନ୍‌ ଆଃଡିଙ୍ଗ୍ଏ ଆମେକେ ମ୍ନାରେ ଆଃଡିଙ୍ଗ୍‌ଆର୍‌ଏ ।

12 ଜିସୁ ଆମେକେ ୱାବକ୍ନେ ପାରୁସିଇଂକେ ବାସଙ୍ଗ୍‌କେ ସ୍ମି ବା ମିଡିଗ୍‍ ବଜି ବିଲା ପେନେ ବୟାଁ ବନ୍ଦୁ କୁଟୁମ୍‌ ଆରି ସାକାର୍‌ ଡାଗ୍ରା ଡୁଆଣ୍ଡ୍ରେକେ ଆୱାଗେପା ଡାଗ୍ଲା ବିନେ ବେଲା ମେଇଙ୍ଗ୍‌ ଡିଗ୍ ଆନାକେ ମେଇଙ୍ଗ୍‌ ଏତେ ଚଙ୍ଗ୍‌ନ୍‌ସା ୱାଆର୍‌ଏ ଆତେନ୍‌ ବେଲା ନା ନାନେ ପ୍ରତିଦାନ୍‌ ନାବାଏ । 13 ଡାଗ୍ଲା ବଜି ବିଃକ୍ଲା ଗରିବ୍‌, କ୍ଲିଙ୍ଗ୍‌ଚ କ୍ଲିଙ୍ଗ୍‌ତି, ଚଟା, ଆରି କାନା ଆଣ୍ଡେଙ୍ଗ୍‌କେ ୱାପା । 14 ତେଲା ଆନାକେ ମଙ୍ଗଲ୍ ଡିଙ୍ଗ୍‌ଏ, ଡାଗ୍ଲା ଆପେକେ ପ୍ରତିଦାନ୍‌ ବିଃନ୍‌ସା ମେଁଇଂନେ ମେଃଡିଗ୍‌ ଣ୍ଡୁ ଆରି ଦରମ୍ ରେମୁଆଁଇଂ ଗୁଏଃକ୍ନେ ବିତ୍ରେ ମ୍ୱ୍ର ଆର୍‌ଏ, ଆତେନ୍‌ ବେଲା ପେଇଂ ପେନେ ପ୍ରତିଦାନ୍‌ ପେବାଏ ।

15 ଆତେନ୍‌ ଅଁଚେ ଜିସୁନେ ଏତେ ଚୁଚଙ୍ଗ୍ କଲେଃକ୍ନେ ରେମୁଆଁଇଂ ବିତ୍ରେ ମୁଇଂଜା ଜିସୁକେ ବାଲିର୍‌କେ ଆଣ୍ଡିନେ ରେମୁଆଁ ଇସ୍‌ପର୍‌ନେ ରାଜିନ୍ନିଆ ଚଙ୍ଗ୍‌ନେ କ‍ଏ ମେଁ ଦନ୍ୟ ।

16 ଜିସୁ ଆମେକେ ବାସଙ୍ଗ୍‌କେ ମୁଇଂଜା ରେମୁଆଁ ମିଡିଗ୍‌ ବେଲା ମୁନା ବଜି ବିନ୍‌ସା ଇକ୍‌ଚା ଡିଂଚେ ଗୁଲେ ରେମୁଆଁକେ ୱାବକେ । 17 ବାରି ଚଙ୍ଗ୍‌ନେ ବେଲା ଡିଙ୍ଗ୍ ୱେଲା ମେଁ ୱା ବକ୍ନେ ରେମୁଆଁଇଂ ଡାଗ୍ରା ନିଜେନେ ଚାକର୍‌କେ ୱାଉଙ୍ଗ୍‌ ବେକେ ପେ ସାପାରେ ପାଙ୍ଗ୍‌ଲାପା ଡାଗ୍ଲା ସାପା ଚଙ୍ଗ୍‌ନେ ଡିଙ୍ଗ୍ ୱେଗେ । 18 ଡାଗ୍ଲା ସାପାରେ କେମା ପାର୍‌ତନା ଡିଙ୍ଗ୍‌ନେ ମୁଲେଆର୍‌କେ ସେନୁଗ୍‌ ରେମୁଆଁ ଆମେକେ ବାଃଲିର୍‌କେ ନେଙ୍ଗ୍ ଇକୁଡ଼ା ଲିଜ ବିଆର୍‌ ମ୍ୱକେ ଆନେଙ୍ଗ୍ ଆତେନ୍‌ କେନେ ପଡ଼େଏ; ଦୟା ଣ୍ଡିଂକେ ଆନେଙ୍ଗ୍ କେମା ଡିଙ୍ଗ୍ ବିଃଲାପା 19 ବାରି ମୁଇଂଜା ବାସଙ୍ଗ୍‌କେ, "ନେଙ୍ଗ୍ ମାଲ୍‌ ତ୍ନୁ ଅରେଃ ବିଆର୍‌ ମ୍ୱକେ ବାରି ନେଙ୍ଗ୍ ଆମେଇଂକେ ପରିକ୍ୟା ଡିଙ୍ଗ୍‌ନ୍‌ସା ୱେଣ୍ଡିଙ୍ଗ୍‌କେ ଦୟା ଡିଂଚେ ଆନେଙ୍ଗ୍‌କେ କେମା ଡିଙ୍ଗ୍ ବିଃଲାପା ।" 20 ବିନ୍ ମୁଇଂଜା ବାସଙ୍ଗ୍‍କେ, "ନେଙ୍ଗ୍ ତ୍ମି ବିଃଏ ନ୍ଲେଃକେ, ତେସା ନେଙ୍ଗ୍ ୱେ ନାୟା ଣ୍ଡୁ ।"

21 ବାରି ଆତେନ୍‌ ଚାକର୍ ପାଙ୍ଗ୍‌ଚେ ମେଁନେ ସାକାର୍‌କେ ସାପା ସାମୁଆଁ ବାଲିର୍‌କେ ଆତ୍‌ବାନ୍ ଡୁଆ ମାଲିକ୍ ରିସା ଡିଙ୍ଗ୍‌ଚେ ନିଜେନେ ଚାକର୍‌କେ ବାସଙ୍ଗ୍‌କେ ଦାପ୍ରେ ୱେଚେ ଇନିନେ ଗୁଲି ଆରି କୁନ୍ଦିଇଂ ୱେଚେ ଦରିଦ୍ର କନ୍ଦା ଚଟା ଆରି କାନା ଇଂକେ ଆକ୍‌ଅରିଆ ୱା ଡୁଙ୍ଗ୍‌ପାଙ୍ଗ୍‌ଲା । 22 ଇଡ଼ିଙ୍ଗ୍ ଆତେନ୍‌ ଚାକର୍ ଆଣ୍ଡେ ୱିଗ୍‌ଚେ ବାସଙ୍ଗ୍‌କେ ଏ ମାପ୍‌ରୁ ନାନେ ବାଲିର୍‌କେ ରକମ୍ ଡିଙ୍ଗ୍‌ମ୍ବକେ ଏଲେଡିଗ୍ ବାରି ଜାଗା ଲେଃକେ । 23 ଆତ୍‌ବାନ୍ ମାଲିକ୍ ଆତେନ୍‌ ଚାକର୍‌କେ ବାଲିର୍‌କେ ରାଜଦାଣ୍ଡ୍‌ ଆରି ଗଲି କନ୍ଦି ୱେଲା ନେଙ୍ଗ୍ ଡୁଆ ଡିରକମ୍ ବର୍ତି ଡିଙ୍ଗ୍‌ୱେଏ ଆତେନ୍‌ସା ରେମୁଆଁଇଂକେ ପାଙ୍ଗ୍‌ନେ ସା ବାସଙ୍ଗ୍‌ । 24 ତେସା ନେଙ୍ଗ୍ ଆପେକେ ବାସଙ୍ଗ୍‌ ଣ୍ଡିଙ୍ଗ୍ ଆତେନ୍‌ ୱା ବକ୍ନେ ରେମୁଆଁ ବିତ୍ରେ ଜାଣ୍ଡେ ନେଙ୍ଗ୍‌ନେ ବଜି ଚଙ୍ଗ୍ ଆୟାଆର୍ ଣ୍ଡୁ ।

25 ଜାବର୍‌ ସଂକ୍ୟା ରେମୁଆଁ ଜିସୁ ଏତେ ଡିଙ୍ଗ୍ଆର୍‌କେ ବାରି ଜିସୁ ପୁଏଚେଃ ରେମୁଆଁଇଂକେ ବାସଙ୍ଗ୍‌କେ 26 ଜାଣ୍ଡେ ଅଃନା ନେଙ୍ଗ୍ ଡାଗ୍ରା ପାଙ୍ଗ୍‌ଚେ ନିଜେନେ ଆବା ଇୟାଙ୍ଗ୍ କୁନେଡ଼େ ଉଙ୍ଗ୍‌ଡେ ବୟାଁଣ୍ଡେ ଆରି ତନାଣ୍ଡେ ଇଂକେ ଡେକ୍‌ରକମ୍‌ କି ନିଜର୍ ପାରାନ୍‌କେ ଡିଗ୍ ଜାବର୍‌ ବଲ୍‌ ଆବା ଣ୍ଡୁ ତେଲା ମେଁ ନେଙ୍ଗ୍‌ନେ ସିସ୍ ଡିଙ୍ଗ୍‌ଆୟା ଣ୍ଡୁ । 27 ✝ଜାଣ୍ଡେ କି ନେଙ୍ଗ୍‌ନେ କୁରୁସ୍ ଡୁଙ୍ଗ୍‌ଚେ ନେଙ୍ଗ୍‌ନେ ପ୍ଲା ଆପାଙ୍ଗ୍‌ ଣ୍ଡୁ ମେଁ ନେଙ୍ଗ୍‌ନେ ସିସ୍ ଡିଙ୍ଗ୍ ଆୟା ଣ୍ଡୁ ।

28 ଡାଗ୍ଲା ପେ ସାପାରେନେ ବାନ୍ ଜାଣ୍ଡେ ଉର୍‌ନେ ଡୁଆ ଆଃରେନ୍‌ସା ଇକ୍‌ଚା ପେଡିଙ୍ଗ୍‌କେ ତେଲା ଆତେନ୍‌ ଡିଡା ଜାକ ମେଁନେ ଡାବୁ ସମାନ୍ ଲେଃକେ ଲେଃ ଣ୍ଡୁ ଆକେନ୍ ସେନୁଗ୍‌ କଚେ କର୍ଚ ଇସାବ୍ ପେଡିଙ୍ଗ୍‌ଏ 29 ମାରିଆଃ ମେଁ ପାଣ୍ଡୁସନ୍ ଆଃକଚେ ଆଃଡା ଆୟା ଣ୍ଡୁ ଉଃଡ଼ିରୁଆ ଆତେନ୍‌ କେଆର୍‌ଏ ସାପାରେ ଆମେକେ ଲୁଆଃଚେ ବାସଙ୍ଗ୍‌ନେ ଆରାମ୍‌ ଡିଂଆର୍‌ଏ । 30 ଆକେନ୍ ରେମୁଆଁ ତିଆର୍ ଡିଙ୍ଗ୍‌ନେ ମୁଲେଚେ ଆଃଡ଼ା ଆୟାକେ ଣ୍ଡୁ ।

31 ଡାଗ୍ଲା ମୁଇଙ୍ଗ୍ ଇଃସାଙ୍ଗ୍‌ ବିନ୍ ମୁଇଂଜା ଇଃସାଙ୍ଗ୍‌ନେ ଏତେ ଜୁଦ୍‌ ଡିଙ୍ଗ୍‌ନ୍‌ସା ୱେନେ ବେଲା ମୁଇଂକୁଡ଼ି ଅଜାର୍‌ ସନ୍ୟ ଡୁଂୱେଚେ ମେଁନେ ବିରଦ୍‌ରେ ପାଙ୍ଗ୍‌ଡିଙ୍ଗ୍‌କ୍ନେ ଇଃସାଙ୍ଗ୍‌ନେ ଆଃତେ ଗୁଆକ୍ଲିଗ୍ ଅଜାର୍‌ ସନ୍ୟ ଡୁଂୱେଚେ ଜୁଦ୍‌ ଡିଙ୍ଗ୍‌ନେ ଡିଙ୍ଗ୍‌ଏ ଲେଃ ଣ୍ଡୁ ଆତେନ୍‌ ସେନୁଗ୍‌ କଚେ ବିଚାର୍‌ ଡିଙ୍ଗ୍‌ନେ ଦର୍‌କାର୍ । 32 ଜଦି ଆୟା ଣ୍ଡୁ ତେଲା ବିନ୍ ଇଃସାଙ୍ଗ୍‌ ସ୍ଲ ଲେଃକ୍ନେ ବେଲା ମେଁ ଦୁତ୍ ବେଚେ ସାନ୍ତିରେ ଲେଃନ୍‌ସା କବର୍ ବିଃଆର୍‌ଏ । 33 ଦେତ୍‌ରକମ୍ ପେ ସାପାରେ ବାନ୍ ଜାଣ୍ଡେ ଡିଗ୍‌ ନିଜେନେ ସାପାକେ ଆଃଆନ୍ତାର୍ ପେୟା ଣ୍ଡୁ ମେଁ ନେଙ୍ଗ୍‌ନେ ସିସ୍ ଡିଙ୍ଗ୍ ଆୟା ଣ୍ଡୁ ।

34 ବିତିଗ୍ ନିମାଣ୍ଡା; ଡାଗ୍ଲା ବିତିଗ୍ ବାନ୍ ଜଦି ସ୍‌ବ ଆଲେଃଲା ଣ୍ଡୁ ତେଲା ଆତେନ୍‌ ମେଃଡିଗ୍‌ ମୁଲ୍ୟ ଣ୍ଡୁ ପେ ସାପାରେ ମେଁନେ ଆରି ମୁଇଙ୍ଗ୍‌ ତର୍ ସ୍‌ବ ଆଣ୍ଡେ ବିପେୟାଏ ? 35 ଆତେନ୍‌ ତୁବଃ ଣ୍ଡୁଲା କତ୍‌କୁଡ଼ା ନ୍‌ସା ଦର୍‌କାର୍ ଣ୍ଡୁ; ରେମୁଆଁ ଆତେନ୍‌ ବାଏରେ ଜଗ୍‌ତ୍ଲାଗ୍‌ ବିଃଆରେ । ଜାଣ୍ଡେନେ ଦ୍ରିଗ୍ ନ୍‌ସା ନ୍‌ଲୁଗ୍ ଲେଃକେ ମେଁ ଦ୍ରିଗ୍‌ପା ।