4 ପେନେ ବିତ୍ରେ ଜଦି ମୁଇଂ ରେମୁଆଁନେ ମାଲ୍‍କୁଡ଼ି ମେଣ୍ଡା ଲେଃଏ ବାରି ଆତ୍‌ବାନ୍ ମୁଇଙ୍ଗ୍ ବଃୱେଏ, ତେଲା ମେଃନେ ଡିଙ୍ଗ୍‌ଏ ? ମେଁ ବିନ୍ ଅନେସ୍‌ପତ୍ ମେଣ୍ଡାକେ ଆନ୍ତାର୍‌ଚେ ବକ୍ନେ ମେଣ୍ଡାକେ ଅବା ଜାକ ଆତୁର୍ ଣ୍ଡୁ ? 5 ବାରି ମେଁ ଆମେକେ ଅବାଲା ମେଣ୍ଡାକେ ସାର୍ଦାରେ ଜେବାନିଆ ଡୁଙ୍ଗ୍‌ଚେ ଡୁଆନ୍ନିଆ ଡୁଂୱିଗ୍‌ଏ । 6 ବାରି ନିଜେନେ ବନ୍ଦୁ ଆରି ଡାଗ୍ରା ଡୁଆଣ୍ଡ୍ରେକେ ୱାଚେ ମୁଇଂଅରିଆ ରାଃସିଙ୍ଗ୍‌ଚେ ଆମେଇଂକେ ବାଲିର୍‌ଏ ନେଙ୍ଗ୍ ଏତେ ସାର୍ଦା ଡିଙ୍ଗ୍‌ପା ଡାଗ୍ଲା ନେଙ୍ଗ୍‌ନେ ବକ୍ନେ ମେଣ୍ଡା ଙବାକେ । 7 ନେଙ୍ଗ୍ ଆପେକେ ବାସଙ୍ଗ୍‌ ଣ୍ଡିଙ୍ଗ୍ । ଆଣ୍ଡିନେ ରେମୁଆଁଇଂନେ ମନ୍ ବଦ୍‌ଲେଃନେ ଇକ୍‌ଚା ଣ୍ଡୁ ଦେକ୍ ରକମ୍ ଅନେସ୍‌ପତ୍ ଦରମ୍ ରେମୁଆଁ ବିତ୍ରେ ମୁଇଙ୍ଗ୍‌ ପାପିନେ ମନ୍ ବଦ୍ଲେ ୱେଲା ଆମେକେ କିତଙ୍ଗ୍‌ଇନି ଜବର୍ ସାର୍ଦା ଡିଙ୍ଗ୍‌ଏ ।