ኤቃዉ ጎይናናዉ በሰና
1 ሄዋ ቦላን ታናዳን አማንያዋንቶ፥ ታን ህንተ ሀዋ ኤራና ማላ ኮያይ። ኑ አዎቱ ኡባይ ሻርያፐ ጋርሳና ደኤድኖ፤ ኡባይካ አባ ግዶና ፕኔድኖ።10:1 ከሳ 13:21-22፤ 14:22-29 2 ኡንቱንቱ ኡባይ ሙሴና እትፐ ግዳናዉ፥ ሻርያንነ አባን ጻማቀቴድኖ። 3 ኡንቱንቱ ኡባይ ሄ እት አያና ቁማ ሜድኖ።10:3 ከሳ 16:35 4 ቃይ ኡባይካ ሄ እት አያና ኡሻ ኡሼድኖ። አያዉ ጎፐ፥ ኡንቱንቱ ባረንታ ካለያ አያና ዛላፐ ፑልቶዋ ኡሼድኖ፤ ሄ ዛላይካ ክርስቶሳ።10:4 ከሳ 17:6፤ ፓይ. 20:11 5 ሽን ጾሳይ ኡንቱንቱፐ ዳርያ ባጋቱዋን ናሸትቤና ድራዉ፥ ኡንቱንቱ አሃይ አሳይ ባይና ሳን ላለቴዳ።10:5 ፓይ. 14:29-30
6 ኡንቱንቱ ኢታባ አሞቴዳዋዳን፥ ኑ ዎዛናይ ቃይ ኢታባ አሙዋፐ ናገታናዳን፥ ሄዌ ኡባይ ኑዉ ትምርተ ግዴዳ።10:6 ፓይ. 11:4 7 ጾሳ ማጻፋይ፥ "አሳይ ማናዉነ ኡሻናዉ ኡቴድኖ፤ ቃይ ዱሮ ደንድ ኤቄድኖ" ያግያዋዳን፥ ኡንቱንቱፐ እቱ እቱ ኤቃዉ ጎይኔዳዋዳን፥ ህንተ ጎይኖፕተ።10:7 ከሳ 32:6 8 ኡንቱንቱፐ እቱ እቱ ዎሹሜዳዋዳን፥ ኑን ዎሹማናዉ በሰና። ሄዋ ጋሱዋን ኡንቱንቱፐ እት ጋላስ ላታማነ ሄዙ ሻአይ ሀይቄዳ።10:8 ፓይ. 25:1-18 9 ኡንቱንቱፐ እቱ እቱ ጎዳ ፓጪደ፥ ሾሻን ዱከት ሀይቄዳዋዳን፥ ኑን ጎዳ ፓጫናዉ በሰና። 10 ኡንቱንቱፐ እቱ እቱ ዙዙምና፥ ዎያ ኪታንቻን ኡንቱንታ ይሴዳዋዳን ዙዙሞፕተ።10:10 ፓይ. 16:41-49
11 ሀዌ ኡባይ ሀራቶ ትምርተ ግዳናዳን ኡንቱንቱ ቦላ ጋኬዳ። ቃይ ኑና ዎድያ ዉርሰይ ጋካና ማቴዳዋንታ ሴራናዉ ጻፈቴዳ።
12 ሄዋ ድራዉ፥ ምና ኤቃድ ጊደ ቆፕያ ኡራይ ኦንነ ኩንደናዳን፥ ባረና ናጎ።