14 ሄዋ ድራዉ፥ ታ ዶስያዋንቶ፥ ኤቃዉ ጎይኖፕተ። 15 ህንተንቱ ዎዛናማ አሳ ግዴዳ ድራዉ፥ ታን ህንተንቶ ኦዳይ። ታን ግያዋ ህንተ ፕርድተ። 16 ኑን ጾሳ ጋላቲደ ሻክያ አንጁዋ ጹአይ ክርስቶሳ ሱና እትፐተይ ደእያዋ ግደኔ? ቃይ ኑን መንያ ኡክይ ክርስቶሳ አሹዋና እትፐተይ ደእያዋ ግደኔ? 17 እት ኡክይ ደእያ ድራዉ፥ ኑን ጮራ ግዶፐካ፥ እት አሳተ። አያዉ ጎፐ፥ ኑን ኡባይካ ሄ እት ኡክ ሻከቴቶ።
18 እስራኤልያ አሳ ጼልተ። ያርሹዋ ምያዋንቱ ያርሽያሳና እትፐተይ ደእያዋንታ ግድክኖ?10:18 ዎጋ 7:6 19 ስም ታን ዋጋይታ? ኤቃዉ ያርሸቴዳ ቁማይ ማዲ ዎይ ኤቃይ ማዲ? 20 ማደና፤ ሽን ታን ግያዌ ጾሳ አማነና አሳቱ ኢታ አያናቶ ያርሽያዋፐ አትን፥ ጾሳዉ ያርሽክኖ። ኢታ አያናቱዋና ህንተ እትፐ ዙፐታና ማላ፥ ታን ኮይከ።10:20 ዛረ. 32:17 21 ጎዳ ጹኣፐ ኡሺደ ቃይ ኢታ አያናቱዋ ጹኣፐ ኡሻናዉ ህንተ ዳንዳይክታ። ጎዳ ጋይታፐ ህንተ ግሸቲደ ቃይ ኢታ አያናቱዋ ጋይታፐ ማናዉ ዳንዳይክታ። 22 ሄዋ ኦደ ኑን ጎዳና ጺኖታናዉ ኮሺ? ኑን አፐ ምኔቶ?10:22 ዛረ. 32:21