20 ሄዋ ድራዉ፥ ህንተ እትፐ ሺቅያ ዎደ፥ ህንተ ሺቁ ጎዳ ካዉዋ ማናሳ ግደና። 21 አያዉ ጎፐ፥ ህንተ ቁማ ምያ ዎደ፥ ኡባይ ሁጲያን ሁጲያን ባረዋ ባረዋ ምያ ድራዉ፥ እቱ ኮሻቴ፤ እቱ ቃይ ማቴ። 22 ማናዉነ ኡሻናዉ ህንተንቶ ጎሊ ባዌ? ዎይ ጾሳ ዎሳ ጎልያ ካቴ? ቃይ አይነ ባይናዋንታ ዬላዪቴ? ታን ህንተንታ ዋጎ? ሀ የዉዋን ታን ህንተንታ ጋላቶ? ጋላትከ።
23 አያዉ ጎፐ፥ ታን ቃይ ህንተንቶ እሜዳ ትምርትያ ጎዳፐ አካድ። ጎዳ የሱስ ኡንቱንቱ አ አደ እሜዳ ቃማ ዳቡዋ አኪደ፥11:23-24 ማቶሳ 26:26-28፤ ማር. 14:22-24፤ ሉቃሳ 22:19፣ 20 24 ጾሳ ጋላቴዳ፤ ዳቡዋ መንደ፥ "ሄይተ፤ ሚተ። ሀዌ ህንተ ግሻታዉ ባረና እሜዳ ታ አሹዋ። ሀዋን ታና ቆፕተ" ያጌዳ። 25 ሀዋዳንካ፥ ካዉዋ ሚደ ስምና፥ ጹኣ ቃይ አኪደ፥ "ሀዌ ጹአይ ታ ሱን ታን ጫቄዳ ኦራ ጫቁዋ። ህንተንቱ አፐ ኡሼዳ ዎደ ኡባን ሄዋን ታና ቆፕተ" ያጌዳ።11:25 ከሳ 24:6-8፤ ኤር. 31:31-34 26 አያዉ ጎፐ፥ ህንተ ሀ ዳቡዋ ሜዳ ዎደ ኡባንነ ሀ ጹኣፐ ኡሼዳ ዎደ ኡባን ጎዳይ ያና ጋካናዉካ፥ አ ሀይቁዋ ኦዲታ።
27 ሄዋ ድራዉ፥ በሰናን ደኢደ ጎዳ ዳቡዋ ምያዌ፥ ዎይ ጎዳ ጹኣፐ ኡሽያዌ ኦንነ አ አሹዋነ አ ሱ አጮቴ። 28 ሽን አሳይ ባረ ሁጲያ ፓጮ። ያቲደ ዳቡዋ ሞ። ጹኣፐካ ኡሾ። 29 አያዉ ጎፐ፥ ጎዳ አሹዋ ሻኪደ ኤረናን ዳቡዋ ምያዌነ ጹኣፐካ ኡሽያዌ ባረ ሁጰዋ ፕርዳ ሜኔ ኡሼ።