1 ታናዳን አማንያዋንቶ፥ ታን ህንተንቶ ኦዴዳ ምሽራቹዋ ቃላ ህንተ አኬዳዋነ ቃይ ህንተ አማኑ አን ኤቄዳዋ ህንተንታ ቆፈይ። 2 ህንተንቱ አማኑ መላ ግዳና ዮፐ፥ ቃይ ታን ህንተንቶ ኦዴዳ ቃላ ሎይ ኦይቆፐ፥ ህንተ ሄ ምሽራቹዋ ቃላን አቴድታ።

3 አያዉ ጎፐ፥ ታን ቃይ አኬዳዋ ኡባባፐ አደ ኮሽያዋ ካሰታደ ህንተንቶ እማድ። ሄዌ አዬ ጎፐ፥ ጾሳ ማጻፋይ ግያዋዳን፥ ክርስቶስ ኑ ናጋራ ድራዉ✝15:3 ኢሳ. 53:5-12 4 ሀይቂደ ሞገቴዳ። ጾሳ ማጻፋይ ግያዋዳንካ፥ ሄዘንያ ጋላስ ሀይቁዋፐ✝15:4 ማዝ. 16:8-10፤ ማቶሳ 12:40፤ ኪታ 2:24-32 5 ደንዲደ፥ ጰጽሮሳዉ ቆንጬዳ። ሄዋፐ ጉይያን፥ ባረ ኪቴዳ ታማነ ላአቶ ቆንጬዳ።✝15:5 ማቶሳ 28:16-17፤ ማር. 16:14፤ ሉቃሳ 24:34፣ 36፤ ዮሃ. 20:19 6 ሄዋፐ ጉይያን፥ እቼሹ ጼቱዋፐ ዳርያ ባረና ካልያ አሳዉ እት ካላ ቆንጬዳ። ኡንቱንቱፐ ዳርያ ባጋይ ሀኖ ጋካናስካ ፓጻ ደኢኖ፤ ሽን አማሬዳዋንቱ ሀይቄድኖ። 7 ሄዋፐ ጉይያን፥ ያቆባዉ ቆንጬዳ፤ ጉየፐ ባረ ኪቴዳ ኡባቶ ቆንጬዳ።

8 ቃይ ኡባፐ ዉርሰን፥ ዎዲ ጋከናን የለቴዳ ታዉካ ቆንጬዳ።✝15:8 ኪታ 9:3-6 9 አያዉ ጎፐ፥ የሱስ ኪቴዳ ኡባፐ ታን ላፋ፤ ታን ጾሳ ዎሳ ጎልያ ዋይሴዳ ድራዉ፥ የሱስ ኪቴዳዋ ጌተታደ ጼሰታናዉካ በስከ። 10 ሽን ጾሳ አ ኬካተን ታን ታናካ። ቃይ ታዉ እ እሜዳ አ ኬካተይ መላ ግድቤና፤ ሽን ታን ኡንቱንታ ኡባፐ አደ ኦድ። ሽን ታናና ደእያ ጾሳ አ ኬካተይ ኦዳፐ አትን፥ ታና ግድከ። 11 ስም ታና ግዶፐካ፥ ዎይ ኡንቱንታ ግዶፐካ፥ ኑን ኡባይ ኦድያዌ ሀዋ፤ ህንተንቱካ ሀዋ አማኔድታ።

12 ክርስቶስ ሀይቁዋፐ ደንዴዳዋ ኦድያዋ ግዶፐ፥ ህንተንቱፐ እት እት አሳቱ ያትና ዎቲደ፥ "ሀይቄዳ አሳይ ሀይቁዋፐ ደንደና" ያጊኖ? 13 ሀይቄዳ ኡራይ ሀይቁዋፐ ደንድቤናዋ ግዶፐ፥ ያትና ሄኮ ክርስቶስካ ሀይቁዋፐ ደንድቤና ግያዋ። 14 ክርስቶስ ሀይቁዋፐ ደንድቤናዋ ግዶፐ፥ ያትና ኑን ኦድያዌካ መላ፤ ቃይ ህንተ አማኑካ መላ። 15 ቃይ ኑን፥ "ክርስቶሳ ሀይቁዋፐ ደንዳ" ያጊደ ጾሳባ ማርካቴዳ ድራዉ፥ አ ዎርዶ ማርካቱዋ ግዲደ ቤቴዶ። ሽን ሀይቄዳዋንታ ሀይቁዋፐ እ ደንቤናዋ ግዶፐ፥ ክርስቶሳካ ደንቤና። 16 አያዉ ጎፐ፥ ሀይቄዳዋንቱ ሀይቁዋፐ ደንደናዋ ግዶፐ፥ ስም ክርስቶስካ ደንድቤና። 17 ክርስቶስ ሀይቁዋፐ ደንድቤናዋ ግዶፐ፥ ህንተ አማኑካ መላ፤ ቃይ ህንተ ሀዋ ጋካናዉካ ናጋራና ደኢታ። 18 ስም ክርስቶሳ አማኒደ ሀይቄዳዋንቱካ ቃይ ዬድኖ ግያዋ። 19 ኑን ሀ ደኡዋ ጻላላዉ ክርስቶሳን ህዶቴዳ*15:19 ህዶታ፦ ክርስቶሳን ኑ ዎዳ ኑ ኡባ ህዶታይ፥ ሀ አላምያን ደኡዋሳ ግዶፐ፥ ሀ አላምያን ደእያ ሀራ አሳቱዋ ኡባፐካ ኑባይ አደ ኢታ፥ ጉሳ። ግዶፐ፥ ሀ አላምያን ደእያ አሳ ኡባፐካ ኑባይ ሎኤና።

20 ሽን ክርስቶስ ሀይቄዳዋንቱ ደንዶ ባይራ ግዲደ፥ ሀይቁዋፐ ደንዴዳዌ ቱማ። 21 አያዉ ጎፐ፥ ሀይቁ እት አሳ ባጋና ሀ አላምያ ዬዳ፥ ሀይቄዳዋንቱ ደንዱካ ቃይ እት አሳ ባጋና ዬዳ። 22 አያዉ ጎፐ፥ አሳይ ኡባይ አዳማና እትፐተ መዳ ድራዉ ሀይቄዳዋዳን፥ ክርስቶሳና እትፐተ መዳ ድራዉ፥ ኡባይ ደኦ ደንዳና። 23 ሽን ኡባይካ ባረ ካላን ካላን ደንዳና። ክርስቶስ ኡባፐ ካሰቲደ ደንዴዳ፤ ሄዋፐ ጉይያን፥ ክርስቶሳዋንቱ ክርስቶስ ይያ ዎደ ደንዳና።

24 ሄዋፐ ጉይያን፥ ክርስቶስ ማታ ኡባ፥ ጎዳተ ኡባነ ዎልቃ ኡባ ይሲደ፥ ጾሳዉ ባረ አቦ ካዉተ እምያ ዎደ፥ ዎድያ ዉርሰይ ያናዋ። 25 አያዉ ጎፐ፥ ጾሳይ አ ሞርከቱዋ ኡባ አ ገድያፐ ጋርሳና ዎና ጋካናዉ፥ ክርስቶስ ሞዳናዉ በሴ።✝15:25 ማዝ. 110:1 26 ኡባፐ ዉርሰን ዪደ ደእያ ሞርኪ ሀይቁዋ። 27 አያዉ ጎፐ፥ ጾሳ ማጻፋይ፥ "ጾሳይ ኡባባ አ ገድያፐ ጋርሳና ዎደ ሞድሴዳ" ያጌ። ሽን ኡባባ አ ገድያፐ ጋርሳና ዎደ ሞድሴዳ ግያ ዎደ፥ ኡባባ ኦዳ ጾሳፐ አትን፥ የኮ ኡባይ ሞደቴዳ ግያዌ ቆንጨ።✝15:27 ማዝ. 8:6 28 ሽን ኡባባይ ክርስቶሳዉ ሞደቴዳዋፐ ጉይያን፥ ክርስቶስ ቃይ ባረ ሁጰዉ ኡባባ ባረና ሞድሴዳ ጾሳዉ ሞደታና። ጾሳይ ቃይ ኡባባ ዉርሲደ ሞዳና።

29 ሄዋ ግዳና ዮፐ፥ ሀይቄዳዋንቱ ኮታ ጻማቀትያዋንቱ አያ ኦኖ? ሀይቄዳዋንቱ ኡባካ ደንደናዋ ግዶፐ፥ አሳይ ሀይቄዳዋንቱ ኮታ አያዉ ጻማቀቲ?

30 ያትና፥ ኑን ኡባ ዎደ አያዉ ሀሳየና መቱዋን ገሌቶ? 31 ታናዳን አማንያዋንቶ፥ ታን ኑ ጎዳ ክርስቶሳ የሱሳን ታዉ ደእያ ህንተናን ጬቀታደ፥ ጋላሳን ጋላሳን ሀይቃይ። 32 ታን ኤፈሶነን አሳ ቆፋዳን ዱኣና ባጸቴዳዌ ታና አያ ማዲ? ሽን ሀይቄዳዋንቱ ሀይቁዋፐ ደንደናዋ ግዶፐ፥

"ስም ሞይተነ ኡሾይተ፤

አያዉ ጎፐ፥ ኑን ዎንት ሀይቃና" ግያዋ ማላ።✝15:32 ኢሳ. 22:13

33 ጭመቶፕተ፤ ኢታ ላገተይ ሎኦ ሀኖታ ባይዜ። 34 ጽሎተኮ ስምተ። ናጋራ ኦፕተ። ህንተንቱፐ እት እት አሳይ ጾሳ ኤረና፤ ታን ሀዋ ህንተንታ ዬላያናዉ ጋይ።

35 ሽን እት አሳይ፥ "ሀይቄዳ አሳይ ዋኒደ ደንዳኔ? ኡንቱንቱ አያ ማላ ቦላና ያኔ?" ያገናን አገና። 36 ኔኖ ኤያዉ፥ ኔን ጋድያን ዘርያ ዘረይ ሀይቀናን ሞከና። 37 ኔን ዘርያዌ ዛርጋ ግድና ዎይ ሀራ ቆሞ ካ ግድና፥ አይፍያ ጻላላፐ አትን፥ ላም ዶሊደ ከስያዋ ግደና። 38 ሽን ጾሳይ ዘረዉ ባረ ዶሴዳ ቦላ እሜ፤ ቃይ ዘረ ኡባዉካ ሁጲያን ሁጲያን ኡንቱንቱ ቦላ እሜ። 39 መታ ኡባ አሹ እቱዋ ግደና። ሽን አሳ አሹ እቱዋ፤ መህያ አሹ ዱማ፤ ካፋቱዋ አሹካ ዱማ፤ ቃይ ሞልያ አሹካ ዱማ።

40 ቃይ ሳሉዋ አሳተቱነ ሳኣ አሳተቱ ደኢኖ። ሽን ሳሉዋ ቦላ ቦንቹ ዱማ፤ ቃይ ሳኣ ቦላ ቦንቹ ዱማ። 41 አዋይፍያዉ አ ሁጰ ቦንቹ ደኤ። አገናዉካ አ ሁጰ ቦንቹ ደኤ። ቃይ ጾልንታቶካ ዱማ ቦንቹ ደኤ፤ አያዉ ጎፐ፥ እት ጾልንቲ የኮ ጾልንትያፐ ቦንቹዋን ዱማቴ።

42 ቃይ ሀይቄዳዋንቱ ሀይቁዋፐ ደንድያ ዎደ ሄዋዳን ሀናና፤ ሀይቂያ ቦላይ ሞገቲደ፥ ሀይቀና ቦላ ግዲደ ደንዳና። 43 ቦላይ ቶሽያን ሞገቲደ፥ ቦንቹዋን ደንዳና። ቃይ ዳቡራን ሞገቲደ፥ ዎልቃን ደንዳና። 44 መታ ቦላይ ሞገቲደ፥ ጌሻ አያናን ካለሰትያ ቦላ ግዲደ ደንዳና። መታ ቦላይ ደኦፐ፥ ቃይ ጌሻ አያናን ካለሰትያ ቦላይካ ደኤ።

45 ሀዋዳንካ፥ ቃይ ጾሳ ማጻፋን፥ "ኮይሮ ብታኒ፥ አዳም፥ ፓጻ ደእያ አሳ ግዲደ መቴዳ" ያጌ። ሽን ዉርሰ አዳም ደኡዋ እምያ አሳ ግዴዳ።✝15:45 ዶመ 2:7 46 ሽን መታ አሳይ ኮይሮ ዪና፥ ጌዶፐ አያና አሳይ ዬዳፐ አትን፥ አያናዌ ኮይሮ ይቤና። 47 ኮይሮ አዳም ቢታፐ መቴዳ፤ እ ቢታፐ መቴዳዋ። ላኤንዋ አዳም ሳሉዋፐ ዬዳ። 48 ሀ ሳኣ አሳቱ ቢታፐ መቴዳዋ ማላቲኖ። ቃይ ሳሉዋ አሳቱ ሳሉዋፐ ዬዳዋ ማላቲኖ። 49 ኑን ቢታፐ መቴዳዋ ማላ ማዬዳዋዳን፥ ሳሉዋፐ ዬዳዋ ማላካ ቃይ ማያና።

50 ታናዳን አማንያዋንቶ፥ ታን ግያዌ ሀዋ፤ አሹነ ሱይ*15:50 ሀ ሳኣ ቦላ ደኢደ አሳይ ማዬዳ አሹዋነ ሱ፥ ጉሳይ ሀ አላምያ አሳተ ጉሳ። ጾሳ ካዉተ ላታና ዳንዳየና። ቃይ ዎቂያዌ ዎቀናዋ ላተና።

51,52 ስስተ! ታን ህንተንቶ እትባ ጹራይ። ኑን ኡባይ ሀይቆኮ። ሽን ዉርሰ ጹሩምባይ ፑነትያ ዎደ፥ ልጴዳ አይፊ ጼላናዉ ዎዛና አናን ላመታና። አያዉ ጎፐ፥ ጹሩምባይ ፑነትያ ዎደ፥ ሀይቄዳ አሳይ ዎቀና አሳ ግዲደ ደንዳና፤ ኑንካ ላመታና።✝15:51-52 1 ተስ. 4:15-17 53 አያዉ ጎፐ፥ ሀዌ ዎቂያዌ ዎቀናዋ ማያናዉ በሴ፤ ቃይ ሀዌ ሀይቂያዌ ሀይቀናዋ ማያናዉ በሴ።

54 ሽን ሀዌ ዎቂያዌ ዎቀናዋ ማይያ ዎደ፥ ቃይ ሀዌ ሀይቂያዌ ሀይቀናዋ ማይያ ዎደ፥ ሄ ዎደ፥ ጾሳ ማጻፋይ፥

"ሀይቁ ጾነቲደ ምተቴዳ።✝15:54 ኢሳ. 25:8

55 ሀይቆ፥ ነ ይሻይ ሀቃኔ?

ሀይቆ፥ ነ ጾኑ ሀቃኔ?"

ጌዳ ቃላይ ፖለታና።✝15:55 ሆሰ 13:14 56 ሀይቁ ዱክያ ዎልቃ ናጋራፐ ደሜ፤ ቃይ ናጋራይ ዎልቃ ህግያፐ ደሜ። 57 ሽን ኑ ጎዳ የሱስ ክርስቶሳ ባጋና ኑና ጾንስያ ጾሳ ጋላታይ ጋኮ።

58 ታን ሲቅያ ታናዳን አማንያዋንቶ፥ ሄዋ ድራዉ፥ ቃጸናን ምን ኤቂተ። ህንተንቱ ዳቡራይ ጎዳ ባጋና መላ ግደናዋ ኤሪደ፥ ኡባ ዎደ ጎዳ ኦሱዋ አዛለናን ኦተ።