ህንተንቱ አሳተ ጾሳ ቦንቾ ፔሽተ
12 እት ኡራይ፥ "ታን ኮዬዳባ ኡባ ኦናዉ ዳንዳያይ" ጋና ዳንዳዬ። ሽን ኡባይካ ታና ማደና። ታን ኮዬዳባ ኡባ ኦናዉ ዳንዳያይ። ሽን አዬኔካ ታና ሞደና። 13 ቃይ ሀራይካ፥ "ቁማይ ኡሉዋሳ፤ ኡሉካ ቁማሳ" ጌ። ሽን ጾሳይ ኡሉዋካ ቁማካ ይሳና። አሳ አሳተይ ጎዳ የሱሳሳፐ አትን፥ ዎሹማሳ ግደና። ጎዳ የሱስካ አሳ አሳተሳ። 14 ጾሳይ ጎዳ የሱሳ ሀይቁዋፐ ደንዳ፤ ቃይ ኑናካ ሀይቁዋፐ ባረ ዎልቃን ደንና።
15 ህንተንቱ አሳተይ ክርስቶሳ አሳተና እቱዋ ግድያዋ ህንተ ኤርክቴ? ያትና፥ ታን ክርስቶሳ አሳተና እቱዋ ግዴዳዋ አፋደ፥ ጫራት አሳተና እቱዋ ኦናዉ በሲ? በሰና! 16 ዎይ ጫራትና እትፐተ መያ ኡራይ እዝና እት አሳተ ግድያዋ ኤርክቴ? አያዉ ጎፐ፥ ጾሳ ማጻፋይ፥ "ኡንቱንቱ ላአቱ እት አሾ ግዳና" ያጌ።6:16 ዶመ 2:24 17 ሽን ጎዳና እትፐተ መያ ኡራይ አያናን አናና እቱዋ ግዴ።
18 ዎሹማፐ ሃክተ። እት ኡራይ ኦያ ሀራ ናጋራ ኡባይ አ አሳተፐ ካረና ደኤ፤ ሽን ዎሹምያዌ ባረ ቦላን ናጋራ ኦ። 19 ዎይ ህንተ ቦላይ ጾሳይ ህንተንቶ እሜዳ ህንተንቱን ደእያ ጌሻ አያናይ አቅያ ጌሻ ጎልያ ግድያዋ ኤርክቴ? ቃይ ህንተ ህንተ ሁጲያሳ ግድክታ። 20 አያዉ ጎፐ፥ ጾሳይ ህንተንታ ጋትያን ሻሜዳ። ሄዋ ድራዉ፥ ህንተ አሳተን አ ቦንችተ።