26 ስም ሀእ መቶ ታዉ ሀዌ ሎአ ማላቴ፤ አሳይ ሀዋዳን ሀኒደ ደኦፐ ሎአ። 27 ኔን ማቻቶ አካ ድጌዳዋ ግዶፐ፥ እዞ የዳናዉ ኮዮፓ። ማቻቶ አካቤናዋ ግዶፐ፥ አካናዉ ኮዮፓ። 28 ሽን ኔን ማቻቶ አኮፐ፥ ናጋራ ኦበይካ። ወዶራታካ አስና ገሎፐ፥ ናጋራ ኦበይኩ። ሽን አከትያዋንቶነ ገለትያዋንቶ ኡንቱንቱ ደኡዋን ዎልቃማ መቱ ደኤ። ታን ህንተንታ ሄ መቱዋፐ አሻናዉ ኮያይ።
29 ሽን ታናዳን አማንያዋንቶ፥ ታን ግያዌ ሀዋ፤ ዎዲ ዉሬዳ። ሀዋፐ ስንዉ አኬዳ አሳቱ፥ አክቤና አሳዳን ሀንኖ። 30 ዬክያዋንቱ ዬከናዋዳን፥ ናሸትያዋንቱ ናሸተናዋዳን፥ ሻምያዋንቱካ ሻሚደ አይነ ባይናዋዳን፥ 31 ሀ አላምያ ደኡዋን ማደትያዋንቱ ኡባካ ማደተናዋዳን ሀንኖ። አያዉ ጎፐ፥ ሀ አላምያ ደኡ አትያዋ።
26 Simmi ha"i metoo taw hawe lo"a malatee; Asay hawaadan haniide de’ooppe lo"a. 27 Neeni machchatto akka diggeeddawaa gidooppe, izo yeddanaw koyyoppa. Machchatto akkabeenawaa gidooppe, akkanaw koyyoppa. 28 Shin neeni machchatto akkooppe, nagaraa ootsabeykka. Wodorattaakka asinaa gelooppe, nagaraa ootsabeykku. Shin akettiyaawanttoonne gelettiyaawanttoo unttunttu de’uwaan wolk’k’aama metuu de’ee. Taani hinttentta he metuwaappe ashshanaw koyyay.
29 Shin taanaadan ammaniyaawanttoo, taani giyaawe hawaa; wodii wureedda. Hawaappe sintsaw akkeedda asatuu, akkibeenna asaadan hanino. 30 Yeekkiyaawanttu yeekkennawaadan, nashettiyaawanttu nashettennawaadan, shammiyaawanttukka shammiide ayinne baynnawaadan, 31 ha alamiyaa de’uwaan maadettiyaawanttu ubbakka maadettennawaadan hanino. Ayaw gooppe, ha alamiyaa de’uu attiyaawaa.
26 Simmi ha77i metuwassi taw hawe lo77a malatee; asay hawaadan haniide de7ooppe lo77a. 27 Neeni machchatto akkadiggeeddawaa gidooppe, izo yeddanaw koyyoppa. Machchatto akkabeennawaa gidooppe, akkanaw koyyoppa. 28 Shin neeni machchatto akkooppe, nagaraa oothabeykka. Wodorattaakka asinaa gelooppe, nagaraa oothabeykku. Shin akettiyaawanttoonne gelettiyaawanttoo unttunttu de7uwan wolqqaama metuu de7ee. Taani hinttentta he metuwaappe ashshanaw koyyay.
29 Shin taanaadan ammaniyaawanttoo, taani giyaawe hawaa; wodii wureedda. Hawaappe sinthaw akkeedda asatuu, akkibeenna asaadan hanino. 30 Yeekkiyaawanttu yeekkennawaadan, nashettiyaawanttu nashettennawaadan, shammiyaawanttukka shammiide aynnee baynnawaadan, 31 ha alamiyaa de7uwan maadettiyaawanttu ubbakka maadettennawaadan hanino. Ayissi gooppe, ha alamiyaa de7uu attiyaawaa.
+581 estão orando agora.
Junte-se à corrente de oração.