2 ጰጽሮሳ ኪታ 3

8 ሽን ታ ሲቃቶ፥ ሀ እት የዋቶ ዶጎፕተ፤ ጎዳ ማታን፥ እት ጋላሳይ ሻአ ላይ ማላ ግድያዋነ፥ ቃይ ሻአ ላይይ እት ጋላሳ ማላ ግድያዋ ዶጎፕተ።✝3:8 ማዝ. 90:4 9 እቱ እቱ ቆፕያዋዳን፥ ጎዳይ ባረ ኦና ጌዳዋ ኦናዉ ታከና፤ ሽን ኦንነ ባረ ናጋራፐ ስማናዳን ኮዬፐ አትን፥ ኦንነ ያና ማላ ኮየና ድራዉ፥ ህንተዉ ጊደ ዳንዳያን ጋምኤ።

10 ሽን ጎዳ ጋላሳይ ካይሱዋዳን ያና። ሄ ጋላስ ሳሎቱ ዎልቃማ ጉንን ያና፤ ሳሉዋ መታቱ ዎልቃማ ሴላን ሲላና፤ ሳአይነ አ ቦላን ደእያ ኡባባይ ያና። 11 ኡባባይካ ሄዋዳን ይያዋ ግዶፐ፥ ህንተ አይ ማላ አሳ ግዳናዉ በሲ? ህንተ ደኡ ጌሻነ ጾሳ ማላትያዋ ግዳናዉ ኮሼ። 12 ህንተ ጾሳ ጋላሳ ናግሽና፥ ሄ ጋላሳይ ኤለካ ጋካናዳን፥ ህንተንቶ ዳንዳየትያዋ ኦተ፤ ሄ ጋላስ ሳሎቱ ጉደቲደ ያናነ ሳሉዋ መታቱካ ዎልቃማ ሴላን ሲላና። 13 ሽን ኑን ጾሳይ እማና ጌዳ ኦራ ሳሉዋነ ኦራ ሳኣ ጽሉ ደአናሳ ናጌቶ።✝3:13 ኢሳ. 65:17፤ 66:22፤ ሳፃ 21:1