1 ጎዳቶ፥ ህንተዉካ ሳሉዋን ጎዳይ ደእያዋ ኤሪደ፥ ህንተንቱ አይለቶ ጽሎተንነ ሱረተን ኮሽያዋ ኦተ።
ዞርያ
2 ጾሳ አገናን ዎስተ፤ ቃይ ዎሲደ አዛለናን፥ አ ጋላቲደ ዎስተ። 3 ቃይ ህንተንቱ ዎስያ ዎደ ኡባን፥ ካሴደፐ አሳዉ ቆንጭቤናዋ፥ ክርስቶሳዋ ኑን ኦዳና ማላ፥ ጾሳይ ኑዉ እንጀያናዳን፥ ኑዉካ ጾሳ ዎስተ፤ አያዉ ጎፐ፥ ሀእ ታን ቃሾ ጎልያን ደእያዌ ሄዋሳ። 4 ቃይካ ታን በስያዋ ኬና ቆንጭሳደ ሀ የዉዋ ኦዳና ማላ፥ ታዉ ጾሳ ዎስተ።
5 ህንተዉ ደእያ ዎድያ ጎእ ባይናሳን ይሰናን፥ አማነናዋንቱ ማታን ጭንጫተን ደእተ። 6 ህንተንቱ አሳ ኡባዉ ዎት ዛራናዉ በስንቶ ኤራና ማላ፥ ህንተንቱ ሃሳያይ ኡባ ዎደ፥ ስሳናዉ ሎእያዋነ ናሸችያዋ ግዳናዉ በሴ።
ዉርሰ ሳሮታ
7 ኑ ሲቆ እሻይ ትክቆስ፥ ታናና እትፐ ጎዳ ኦሱዋን ቆማ ግዴዳ አማነትያ ኦሳንቻይ፥ ታ ደኡዋባ ህንተንታ ኤርሳና። 8 ታን አ ህንተኮ ኪትያዌ፥ ኑን ዋን ደእንቶ ህንተንቶ እ ኦዲደ፥ ህንተንታ መንና ድራሳ። 9 አናስሞስ፥ አማነትያ ሲቆ እሻይ፥ ህንተንቱ ጋደዌ፥ አናና እትፐ ህንተኮ ቤ፤ ኡንቱንቱ ሀዋን ሀንያ ኡባባ ህንተንታ ኤርሳና።4:9 ፕል. 10-12
10 ታናና ቃሹዋን ደእያ አርስጽሮኮስነ ባርናባሳዉ አዉዋ ግዴዳ ማርቆስ ህንተንታ ሳሮቲኖ፤ ታን ህንተንታ ካሰ አዛዜዳዋዳን፥ ማርቆስ ህንተኮ ቦፐ፥ ዎዛናፐ አ ሞክተ።4:10 ኪታ 19:29፤ 27:2፤ ፕል. 24፤ ኪታ 12:12፣ 25፤ 13:13፤ 15:37-39 11 ዮስጾሳ ግያ የሱስካ ህንተንታ ሳሮ ሳሮ ጌ፤ አይሁዳ አሳቱዋፐ ታናና ጾሳ ካዉተዉ ኦያዌ፥ ሀ ሄዙ አሳቱዋፐ ሀራይ ባዋ፤ ሀዋንቱ ታና ዳሮ ማዴድኖ።
12 ኤፓፍር፥ ህንተንቱ ጋደዌ፥ ክርስቶስ የሱሳ ቆማይ፥ ህንተንታ ሳሮ ሳሮ ጌ። እ ህንተንቱ ጾሳን ምኒደ ኤቃናዳንነ ጾሳይ ኮይያዌ ኡባይ አየንቶ ኤሪደ፥ ፖል አማናናዳን፥ ኡባ ዎደ ጾሳ ምንስ ዎሴ።4:12 ቆል. 1:7፤ ፕል. 23 13 አያዉ ጎፐ፥ እ ህንተንቶ፥ ሎዶቅያ አሳዉነ ህራፖሊሳ ግያ ካታማ አሳዉ ዳሮ ዳቡርያዋ ታን ማርካታይ።
14 ኑ ሲቆ ዶቶሪ ሉቃስነ ዴማስ ህንተንታ ሳሮ ደኢቴ ያጊኖ። 15 ሎዶቅያን ደእያ ኑ እሻቶነ ንምፕዉ ቃይ እዝ ጎልያን ሺቅያ አማንያ አሳቶ ኑ ሳሮታ ኦድተ።
16 ሀ ዳብዳቢያ ህንተንቱ ናባቤዳዋፐ ጉይያን፥ ሎዶቅያ አማንያዋንቶካ ናባብስተ፤ ህንተካ ሎዶቅያ አማንያዋንቱካ ህንተንቶ የድያ ዳብዳቢያ ናባብተ። 17 ቃይ አርክፖሳዉ፥ "ጎዳይ ነዉ እሜዳ ኦሱዋ ፖላናዋ ዶጎፓ" ያጊደ ኦድተ።4:17 ፕል. 2
18 ታን ጳዉሎስ፥ ታ ኩሽያን ሳሮታ ጻፌዳዋ ሀዋ በእተ፤ ታን ቃሹዋን ደእያዋ ዶጎፕተ።
ጾሳ አ ኬካተይ ህንተንቱና ግዶ።