10 "ታን ታ አርሳን ዛቁላደ፥ ቢታዉ ግዶ ልክያን እት ምይ ኤቄዳዋ ሳጻን በኣድ፤ ሄ ምዉ ጌሳይ ዳሮ አዱሳ። 11 ሄ ምይ ድጪደ ግታቴዳነ ምኔዳ፤ አዉ ጼራይ ሳሉዋ ጋኬ፤ ሳኣፐ ሳኣ ጋጻ ጋካናዉ ቤቴ። 12 ሄ ም ሀይይ ጼላናዉ ሎእያዋ፤ አ አይፊካ ሎይ ዳራ፤ ኡባዉካ ምያባይ አን ደኤ። ዎራ ዶአቱ አ ኩዋን ሸምፔድኖ፤ ሳሉዋ ካፎቱካ አ ዳሻ ግዶን ኬጺደ ደኤድኖ። ፓጻ ደእያ ኡባይ አፐ ሜዳ።
20 ኔን አኩሙዋን በኤዳ ምይ፥ ድጪደ ምኔዳዌ፥ ጼራይ ሳሉዋ ጋኬዳዌ፥ ሳኣፐ ሳኣ ጋጻ ጋካናዉ ቤቴዳዌ፥ 21 ሀይይ ጼላናዉ ሎኤዳዌ፥ አይፊካ ሎይ ዳሬዳዌ፥ ኡባዉ ምያባይ አን ደእያዌ፥ ባዙዋ ዶአቱ አ ኩዋን ሸምፔዳዌነ ሳሉዋ ካፎቱካ አ ዳሻ ግዶን ኬጺደ ደኤዳዌ፥ 22 ካትያዉ፥ ሄ ምይ ኔና! ኔን ግታታዳነ ምናዳ፤ ነ ግታተይ ድጪደ፥ ሳሉዋ ጋኬዳ፤ ነ ካተተ ማታይካ ሳኣ ጋጻ ጋኬዳ።
10 «Taani ta arssaan zak’k’ullaade, biittaw giddo likkiyaan itti mitsay ek’k’eeddawaa sas’aan be’aad; he mitsaw geesay daro adussa. 11 He mitsay dic’c’iide gitateeddanne minneedda; aw s’eeray saluwaa gakkee; sa’aappe sa’aa gas’aa gakkanaw beettee. 12 He mitsaa haytsay s’eellanaw lo"iyaawaa; Aa ayifiikka loytsi dara; ubbawukka miyaabay aan de’ee. Wora do’atuu Aa kuwan shemppeeddino; saluwaa kafotuukka Aa daashshaa giddon kees’s’iide de’eeddino. Pas’a de’iyaa ubbay aappe meedda.
20 Neeni akumuwaan be’eedda mitsay, dic’c’iide minneeddawe, s’eeray saluwaa gakkeeddawe, sa’aappe sa’aa gas’aa gakkanaw beetteeddawe, 21 haytsay s’eellanaw lo"eeddawe, ayifiikka loytsi dareeddawe, ubbaw miyaabay aan de’iyaawe, bazzuwaa do’atuu Aa kuwan shemppeeddawenne saluwaa kafotuukka Aa daashshaa giddon kees’s’iide de’eeddawe, 22 kaatiyaw, he mitsay neena! Neeni gitataaddanne minnaadda; ne gitatetsay dic’c’iide, saluwaa gakkeedda; ne kaatetetsaa maataykka sa’aa gas’aa gakkeedda.
+581 estão orando agora.
Junte-se à corrente de oração.