4 ሽን ማርካቢ ቢሽን፥ መና ጎዳይ አባ ቦላ ዎልቃማ ጫርኩዋ ደንዳ፤ ደንና አባ ቤታይ ሎይ ዳሬዳ ግሻዉ፥ ማርካቢ መአና ሀኔዳ። 5 ያትና፥ ማርካብያ ላግያዋንቱ ያዪደ፥ ኡባይካ ባረንቱ ጾሳኮ ጾሳኮ ዋሴድኖ። ቃይ ማርካቢ ካዉሻና ማላ፥ አ ግዶን ደእያ ጫና ደንደ፥ አባን ኦሌድኖ። ሽን ዮናስ ማርካብያዉ ግዶ ክፍልያ ገሊደ፥ ያን ግሲደ፥ ገምእሹዋ ፓኑሬዳ።
7 ማርካብያ ላግያዋንቱ እቱ እቶ ሀዋዳን ያጌድኖ፤ "ሃይተ፤ ሀ ኢታባይ ኑና ኦ ጋሱዋን ጋከደንቶነ ኤራናዉ ሳማ የጎይተ" ያጌድኖ። ሳማ የግና፥ ሳማይ ዮናሳ ቦላን ዎዳ።
9 ዮናስ ዛሪደ፥ ሀዋዳን ያጌዳ፤ "ታን እብራዌ አሳ፤ አባነ ጋድያ መዳ መና ጎዳዉ፥ ሳሉዋ ጾሳዉ ጎይናይ" ያጌዳ።
12 እ ኡንቱንቶ፥ "ሀ ዎልቃማ ቤታይ ህንተንቱ ቦላን ደንዲደ ታ ጋሱዋና ግድያዋ ታን ኤራይ። ሄዋ ግሻዉ፥ ታና ደንደ፥ አባን ኦልተ። ያቶፐ፥ አባይ ህንተንቶ ዎፑ ጋናዋ" ያጌዳ።
15 ሄዋፐ ጉየ፥ ዮናሳ ደንደ፥ አባን ኦሌድኖ፤ ኦልና አባ ቤታይ ዎፑ ጌዳ። 16 ያትና፥ አሳቱ መና ጎዳዉ ሎይ ያዬድኖ፤ መና ጎዳዉ ያርሹዋ ያርሼድኖ፤ ሺቁዋካ ሺቄድኖ።