ሉቃሳ ምሽራቹዋ 1

ዛካራሳ ጋላታነ ትምቢትያ ኦዱዋ

67 ዮሃንሳ አቡ ዛካራስ አያና ጌሻን ኩሚደ ትምቢትያ ያግ ኦዴዳ:

68 "እስራኤልያ ጎዳይ ጾሳይ አንጀቶ፤

ዪደ ባረ አሳ ጾሞሴዳነ ዎዜዳ።

69 ባረ አይልያ ዳዊተ ጎልያን፤

ዎልቃማ አሽያዋ ኑዉ ጊግሴዳ።

70 ሀዌካ በን ጎዳ ጌሻ ናባቱዋ ዶናን ኦደቶዋዳን፥

71 እ ኑና፥ ኑ ሞርከቱዋፐነ፥

ኑናና ኤቀትያዋንቱ ኩሽያፐ አሻናሳ።

72 ሀዋካ እ ኦዳዌ፥ ኑ አዋቶ፥

ማሮተ በሳናሳነ፥

ባረ ጌሻ ጫቁዋ ዎዛና አናሳ።

73 ኑ አዉዋ አብራሃሞ፥

ጫቄዳ ጫቁዋ ቆፓናዉ፥

74 ኑ ሞርከቱዋ ኩሽያፐ ከሲደ፥

ያሻይ ባንታን አዉ ኦናዳን፥

ማታ ኑዉ እሜዳ።

75 ሀዌኔካ፥ ኑና ኑ ዎድያ ኡባን፥

ጌሻተንነ ጽሎተን፥

ባረ ስንን ኤሳና ድራሳ።

76 ዛሪደካ፥ ኔኖ፥ ታ ናአዉ፥

ቃ ጾሳ ናብያ ጌተታናሳ፤

ኦግያ ጊግሳናዉ ጎዳፐ ስንና፥

ባናሳ።

77 አሳ ናጋራ ማርያ አቶተ ኤራ፥

ኡንቱንቶ እማናሳ።

78 ሄዌካ ክልፐ ዬዳ ፖኡ፥

ኑና ጾሞሴዳዌ፥

ኑ ጾሳ ማሮተነ ቃረታ ጋሱዋና።

79 አ ፖኡካ ማንነ ሀይቁዋ ኩዋን፥

ኡቴዳዋንቶ ፖእሴ፤

ኑ ገድያካ ሳሮተ ኦግያን ሱርሴ።"