14 ፓስጋ ቁማይ ሜተትያ ሳቲ ጋኮ ዎደ፥ ታማነ ላኡ ኪተቶዋንቱና እትፐ ቁማ ማናዉ ኡቴዳ። 15 እካ፥ "ታና መቱ ጋካናፐ ካስያን ህንተንቱና ሀ ፓስጋ ቁማ ማናዉ ዳሮ አሞታደ ደአይ። 16 አያዉ ጎፐ፥ ታ ህንተዉ ኦድያዌ፥ ሀዌ ጾሳ ካዉተን ፖለታና ጋካናዉ፥ ታን ላኤንዋ ሀዋፐ ሚከ" ያጌዳ።
17 ጹኣ አኪደ፥ ጾሳ ጋላቲደ፥ "ሀዋ ሄይተ፥ ህንተንቱ ግዱዋን ግሸት ኡሽተ። 18 አያዉ ጎፐ፥ ታ ህንተንቶ ያጋይ፥ ጾሳ ካዉተይ ያና ጋካናዉ፥ ሀቼፐ ዶማደ ዎይንያ ኤሳ ኡሽከ" ያጌዳ።
19 ቃይ ማጋገ ኡክ አኪደ፥ ጾሳ ጋላቴዳ፤ ሄ ኡክ መን ኡንቱንቶ እሚደ፥ "ሀዌ ህንተንቶ እመትያዌ ታ አሹዋ፤ ሀዋን ታና ቆፓና ማላ ሀዋ ሚተ" ያጌዳ። 20 ካዉዋ ሞዋፐ ጉይያን፥ ካሰዋዳን ጹኣ ደን ኡንቱንቶ እሚደ፥ ሀዋዳን ያጌዳ: "ሀ ጹአይ፥ ታ ህንተንቱ ድራዉ ጉስያ ታ ሱ ቆፈያ ኦራ ጫቁዋ።22:20 ማቶሳ 26:26-28፤ ማር. 14:22-24፤ 1 ቆሮ. 11:23-25