የሱስ ኮይሮ ባረና ካልያዋንታ ዶሬዳ
(ማቶሳ 4:18-22፤ ማር. 1:16-20)
1 እት ጋላስ የሱስ ገንሳሬጸ አባ5:1 ገንሳሬጸ አባ፦ ጋሊላ አባዉ እመቴዳ ዱማ ሱን። ጋጻን ኤቂደ ደእሽን ጮራ አሳይ አኮ ሺቂደ ጾሳ ቃላ ስሳናዉ ሱገት ደኢኖ።5:1-3 ማቶሳ 13:1፣ 2፤ ማር. 3:9፣ 10፤ 4:1 2 ሄ ዎደ ላኡ ዎንግራቱ5:2 ዎንግርያ፦ ዎንግርያ ጌተቶዌ፥ ዎጋ ሃ ዎይ አባ ቦላን አሳይ ሄፍን ባጋ ፕናናዉ ጎኤትያ ሚሻ። ሀይቆ አሳይ ሞገትያዋ ግደናዋ ኤራናዉ ኮሼ። አባ ጋጻን ኤቆዋ እ በኤዳ፤ ሞልያ ጲርያዋንቱ ቃይ ዎንግራቱዋፐ ዎደ ባረንቱ ዳባ ሜጭ ደኢኖ። 3 የሱስ ዎንግራቱዋ ግዶፐ ስሞናዉኖ ግዴዳዉንን ገሊደ ሳኣፐ ያ አባኮ ጉ ሺሻናዳን ኦቼዳ። ሄዋፐ ጉየ ዎንግርያ ቦላን ኡቲደ አሳ ታማርሱዋ ዶሜዳ።
4 ታማርሱዋ በዋፐ ጉይያን ስሞና፥ "ዎንግርያ ያ አባ ጪሙዋኮ ሺሽተ፤ ህንተንቱ ዳባካ ሞልያ ጲራናዉ ኦልተ" ያጌዳ።
5 ስሞንካ፥ "ጎዳዉ፥ ቃማ ኩመን ዳቡር አቂደ አይነካ ኦይቂበይኮ፤ ሽን ሀእ ኔን ጎዋዳን ዳባ ኦሌቶ" ያግ ዛሬዳ።5:5 ዮሃ. 21:3
6 ሄዋዳንካ ኦዳ ዎደ፥ ዳሮ ጮራ ሞልያ ኦይቄድኖ። ኡንቱንቱ ዳባቱካ ዱጸረታናዉ ሀኔድኖ።5:6 ዮሃ. 21:6 7 ሀራ ዎንግርያን ደእያ ላገቱ ዪደ ማዳናዳን ዉቴድኖ፤ ኡንቱንቱ ላኡ ዎንግራቱዋንካ ሞልያ ኩንና ዎንግራቱ ምተቱሳ ዶሜድኖ።
8 ስሞን ጰጽሮስካ ሀዋ በኤዳ ዎደ የሱሳ ጉልባታን ኩንዲደ፥ "ጎዳዉ፥ ታን ናጋራንቻ አሳ ግዶ ድራዉ ታፐ ሻከታ" ያጌዳ። 9 ሀዋ ጌዳዌ እነ አናና እትፐ ደእያዋንቱ ኡባይ ባረንቱ ኦይቄዳ ሞልያ ጮራተን ማላለቴድኖ። 10 ሄዋዳንካ ቃይ ስሞና ላገ ግዴዳዋንቱ ዛብድዮሳ ናናቱ ያቆብነ ዮሃንስ ማላለቴድኖ።
የሱስካ ስሞና፥ "ያዮፓ ሀዋፐ ጉይያን አሳ ጲርያዋ ግዳናሳ" ጌዳ።
11 ኡንቱንቱካ ዎንግራቱዋ ሃፐ ጋጻ ከሲደ፥ ኡባባ አጊደ የሱሳ ካሌድኖ።
የሱስ ኦሉ ኦይቄዳ ብታንያ ፓዳ
(ማቶሳ 8:1-4፤ ማር. 1:40-45)
12 የሱስ ካታማቱዋፐ እቱዋን ደእሽን ኦሉ5:12 ኦሉዋ፦ 4:27 ጼልተ። ቦላ ኡባ ሜዳ ብታኒ ደእያዌ የሱሳ በኢደ አ ስንንካ ኩንዲደ፥ "ጎዳዉ፥ ኔን ኮዮፐ ታና ፓናዉ ዳንዳያ" ያጊደ ዎሴዳ።
13 የሱስካ ባረ ኩሽያ የድ ቦቺደ፥ "ዶሳይ ጌያ!" ጌዳ። ሄማንእያንካ ኦሉ አ የዴዳ።
14 የሱስ አ፥ "ሀዋ ኦስነ ኦዶፓ። ሽን ቄሳኮ ባደ ኔና በሳ። ሄዋፐ ጉየ ኦሉዋ ሀርግያፐ ፓጼዳዎ ማርካ ግዳናዳን ሙሴ ህግያን አዛዘቴዳ ያርሹዋ ሺሻ" ጌዳ።
15 ግዶ ሽን አ ዋሪ ሎይ አኪደ ቤዳ፤ ዳሮ ጮራ አሳይካ የሱስ ኦድያዋ ስሳናዉነ ባረንቱ ሀርግያፐ ፓጻናዉ ሺቄድኖ። 16 የሱስ ጮራ ዎደ ጌማሳ ቢደ ዎሴ።
የሱስ ቦላይ ስሌዳ ብታንያ ፓዳ
(5:18-26፤ ማቶሳ 9:2-8፤ ማር. 2:3-12)
17 እት ጋላስ የሱስ ታማርሲደ ደእሽን ጋሊላፐነ ይሁዳ ሄራ ኡባፐ፥ የሩሳላመ ዬዳ ፓርሳዋቱነ ህግያ ታማርስያዋንቱ ኡት ደእሽን ሀርጋንቻቱዋ ፓና ማላ ጾሳ አዉዋ ዎልቃይ አዉ እመቴዳ። 18 ሄ ዎደ ቦላይ ስሌዳ5:18 ቦላይ ስሌዳ፦ ሀዋ ጉሳይ ግሪከ ቃላን "ፓራሉሞአይ" ጌተትያዋ። ሀ ቃላ ብለይ እንግልዜዋን "ፓራላይዝድ" ጉሳ። ሀ ላአቱዋካ ዳዉሮዋን ብለ እሞደ፥ ኬቼዳዋ ዎይ ቃጸና ማላ ዳቡሬዳዋ ጉሳ። እት ብታንያ አማሬዳ አሳይ ሻንቻማን ቶክ አህ ጎለ ገልሲደ የሱሳ ስንን ዎናዉ ኮዬድኖ። 19 አሳ ጮራተፐ ደንዴዳዋን የሱሳኮ ሺቃናዉ ዳንዳይበይክኖ። ሄዋ ድራዉ ቦላዉ ግእ ጎልያ ካራ5:19 ካራ፦ ሀ ፓይዱዋን ጌተቴዳ ጎልያ ካራይ ዳዉሮዋ ማላ ግደናዳን፥ ፓላስቲነ ጋደን ጎልያ ቦላን ደእያ ካራይ ገደ ቀረቲደ ኬጸቴ። ሄዌ ያቲደ ቃይ ዱፈቲደ ጋጻን ጋጻን ሀራ ምይ ተጨትና ሎይ ኬጸቴ። ሄዋ ማላ ኬጻይ ኦራ ቃላ ጫቁዋ ዎድያን ኤረቴዳዋ። ቃሪደ አ፥ ሻንቻማና አሳ ግዶን የሱሳ ስንን ዎድኖ።
20 የሱስካ ኡንቱንቱ አማኑዋ በኢደ፥ "ሀ ብታነዉ፥ ነ ናጋራይ አቶ ጌተቴዳ" ያጌዳ።
21 ሙሴ ህግያ ታማርስያዋንቱነ ፓርሳዋቱ፥ "ሀዌ ጾሳ ቦርያዌ ኦኔ? እት ጾሳፐ አትን ናጋራ አቶ ጋናዉ ኦን ዳንዳዪ?" ያግ ቆፋ ዶሜድኖ።
22 የሱስካ ኡንቱንቱ ቆፋ ኤሮ ድራዉ ሀዋዳን ጌዳ፥ "አያዉ ህንተንቱ ዎዛናን ሀዋዳን ቆፒቴ? 23 ‘ነ ናጋራይ አቶ ጌተቴዳ’ ጋናዋፐነ ‘ደንዳደ ባ’ ጋናዋፐ ሀቃዌ ማቴ? 24 የዉዋን ቃይ ሀዋ ታን ጌዳዌ፥ አሳ ናአይ ቢታ ቦላን ናጋራ ማራናዉ ማታይ ደእያዋ ህንተንቱ ኤራናዳና።" ሄዋፐካ ጉንዴዳ ብታንያ፥ "ደንዳ ነ ሻንቻማ ቶካደ ነ ጎለ ባ ጋይ" ያጌዳ።
25 ጉንዳይካ አሳ ስንን ደንዶዋሽን ባረ ሻንቻማ ቶኪደ ጾሳ ጋላቲደ ባረ ሶይ ቤዳ። 26 ሀ ዎደ ኡባቱካ ዳሪ ማላለቴድኖ፤ ጾሳካ ጋላቲደ፥ "ሀቼ ማላባ በኤዶ" ያጊደ ያሻን ኩሜድኖ።
የሱስ ሌዊያ ዶሬዳ
(5:27-32፤ ማቶሳ 9:9-13፤ ማር. 2:13-17)
27 ሄዋፐ ጉይያን የሱስ ከሲደ ቤዳ፤ ሌዊያ ጌተትያ ቃራጻ ሺሽያዌ፥ ቃራጻ ሺሽያሳን ኡቶዋ በኢደ፥ "ታና ካላ" ጌዳ። 28 እካ ደንዲደ ኡባባ አጊደ አ ካሌዳ።
29 ሄዋፐ ስሚደ ሌዊ ባረ ጎለን ዳሮ ሾብያ ጊግሴዳ፤ ጮራ ቃራጻ ሺሽያዋንቱነ ሀራ ጮራ አሳይካ ኡንቱንቱና ኡቲደ ም ደኢኖ። 30 ፓርሳዋቱነ ህግያ ታማርስያ፥ ኡንቱንቱና ኦያዋንቱ፥ የሱሳ ካልያዋንቱ ቦላን፥ "አያዉ ቃራጻ ቃንጽያዋንቱናነ ናጋራንቻቱዋና ሚቴኔ ኡሺቴ?" ያጊደ ዙዙሜድኖ።5:30 ሉቃሳ 15:1፣ 2
31 የሱስካ፥ "ሀርጋንቻ አሳፐ አትን ፓጻ አሳዉ አክምያ ኮሸና። 32 ታን ዬዳዌ፥ ናጋራንቻቱ ባረንቱ ናጋራ ፓጺደ ስማናዳናፐ አትን፥ ጽላቱዋ ጼሳናዉ ያበይከ" ያግ ዛሬዳ።
የሱስ ጾማባ ኦሸቴዳ
(5:33-39፤ ማቶሳ 9:14-17፤ ማር. 2:18-22)
33 ሀዋፐ ጉይያን የሱሳ፥ "ዮሃንሳ ካልያዋንቱነ ፓርሳዋቱዋ ካልያዋንቱ ኡባ ዎደ ጾሚኖነ ዎሲኖ፤ ሽን ኔና ካልያዋንቱ ቃይ ኡባ ጋላስ ሚኖነ ኡሺኖ" ያጊደ ኦቼድኖ።
34 የሱስካ፥ "ምሽራይ ኡንቱንቱና ደእሽን ምያታቱ ጾማናዉ ዳንዳዪኖ? 35 የዉዋን ቃይ ምሽራይ ኡንቱንቱፐ ሻከቲደ ባና ዎዲ ያናዋ፤ ሄ ዎደ ጾማናዋንታ" ያግ ዛሬዳ።
36 የሱስካ ካልያ ሌምሱዋ ኦዴዳ: "ኦራ ማዩዋፐ ፔ አኪደ ኤጫ ማዩዋ ቦላን ፕያዌ ባዋ፤ ጋሱካ ሀዋዳ ኦፐ ኦራ ማዩዋ ፔ፤ ኦራ ፊካ ኤጫ ማዩዋን ጊገና። 37 ሀዋዳንካ ኤጬዳ ጭልግያን5:37 ጭልግያ፦ ሀዎ ዳዉሮዋን እመትያ ጉጃ ብለይ ኤሳ ናእያ ኦጎሩዋ። ኦራ ዎይንያ ኤሳ ዎያዌ ባዋ፤ ዎፐ ቃይ ኦራ ዎይንያ ኤሳይ ጭልግያ ሴ፤ ኤሳይካ ጉኬ፤ ጭልጋይካ ባዬ። 38 ኦራ ዎይንያ ኤሳ፥ ኦራ ጭልግያን ዎናዉ በሴ። 39 ኤጫ ዎይንያ ኤሳ ኡሺደ ኦራ ኮይያዌ ኦንነ ባዋ፤ ጋሱካ ኤጫይ ማልኤ ግያ ድራዉ።"