28 የሱስ ሀዋ ጎዋፐ ጉይያን፥ እት ሳምንታ ኬና ጋምኢደ፥ ጰጽሮሳነ ዮሃንሳ፥ ያቆባካ አኪደ፥ ዎሳናዉ ደርያ ሁጲያ ከሴዳ።9:28 2 ጰጽ. 1:17፣ 18 29 እ ዎስሽን፥ አ ዴሙዋ ማላይ ላመቴዳ፤ አ ማዩካ ቦጺደ ጶልቄዳ። 30 ቆፐናን ላኡ አሳቱ፥ ሙሴነ ኤላስ ከስ ቤቲደ፥ የሱሳና ሃሳይ ደኢኖ። 31 ኡንቱንቱ ቦንቹዋን ቆንጭ ቤቲደ፥ የሱስ ጾሳ ቆፋ ፖላናዉ የሩሳላመን ሀይቃናዋ9:31 ሀይቃናዋ፦ ግሪከ ማጻፋ ቆፋን ሀዋ ጉሳይ፥ "የሱስ ሳሉዋ ብያዋ"፤ ሀዌ ቃይ እ ሀይቁዋፐ ደንድያዋነ ያቲደ ሳሉዋ ብያዋ ኡባ ሺሽ ኦይቄዳ ቆፋ። አናና ሃሳዬድኖ። 32 ጰጽሮሳነ አናና እትፐ ደእያዋንታ ገምእሹ ጌሮዬዳሽን፥ ኤለካ ቤጎቲደ አ ቦንቹዋነ አናና ጋ ኤቄዳ ላኡ አሳቱዋ በኤድኖ። 33 ሄ ላኡ አሳቱ፥ የሱሳ ምይያፐ ሻከትያ ዎደ፥ ጰጽሮስ የሱሳ፥ "ጎዳዉ፥ ሀዋን ደእያዌ ኑዉ ሎአ ግድያ ድራዉ፥ ሄዙ ዳስያ እቱዋ ነዉ፥ እቱዋ ሙሴዉ፥ እቱዋ ኤላሳዉ ኬጻና" ያጌዳ።
34 ጰጽሮስ ሄዋ ሃሳይ ደእሽን፥ ሻሪ ዪደ ኡንቱንታ ካም አግና የሱሳ ካልያዋንቱ ያዬድኖ። 35 ሻርያፐካ፥ "ታን ዶሬዳ ታ ናአይ ሀዋ፤ እ ግያዋ ስስተ" ያግያ ቃላይ ዬዳ።
36 ቃላይ ስሰቶዋፐ ጉይያን፥ የሱስ ባረ ጻላላ ግዲደ ቤቴዳ፤ ኡንቱንቱካ የዉዋ ባረንቱ ዎዛናን ኦይቂደ ሄ ዎድያን ኦንነካ አያነ ኦድቤና።
የሱስ ኢታ አያናን ኦይቀቴዳ ላኡ አሳቱዋ ፓዳ
(ማቶሳ 17:14-18፤ ማር. 9:14-27)