ማርቆሳ ምሽራቹዋ 4:35-41

35 ሄ ጋላስ ሳአይ ኦማርስና፥ የሱስ ባረና ካልያዋንታ "አባፐ ሄፍን ፕኖይተ" ያጌዳ። 36 አ ካልያዋንቱ አሳ አጊደ፥ የሱስ ካሰ ገል ኡቴዳ ዎንግርያን ገሊደ፥ የሱሳ ባረንቱና አፌድኖ፤ ሀራ ዎንግራቱካ ሄዋን ደኢኖ። 37 ዎልቃማ ጎቱ ደንድና፥ ቤታይ ዎንግርያ ሾጭና፥ ሃይ ኩማና ጋካናዉ ዎንግርያ ግዶ ገሌዳ። 38 ሄ ዎደ የሱስ ዎንግርያን ጉየ ባጋና ቦርኮ ቦርኮቲደ ገምእሼዳ። የሱሳ ካልያዋንቱ አ ደንደ፥ "ታማርስያዎ፥ ኑን ይያ ዎደ ጮኡ ጋደ ጼላይ?" ያጌድኖ።

39 እ ቤጎቲደ ጎቱዋ፥ "ጮኡ ጋ" ጊደ፥ አባካ፥ "ዎፑ ጋ" ጌዳ፤ ጎቱካ ጮኡ ጊና፥ ኡባባይካ ዎፑ ጌዳ። 40 የሱስ ባረና ካልያዋንታ "አያዉ ሀዋዳን ያዪቴ? ህንተንቱ ዋን አማንክቴ?" ያጌዳ።

41 ኡንቱንቱ ዳሮ ያዪደ ባረንቱ ግዶን፥ "ሀዌ ላ ሀራይ አቶ፥ ጎቱነ አባይ አዛዘትያዌ ኦኔ?" ያጌድኖ።