ማቶሳ ምሽራቹዋ 18:6-9

Em outras traduções

1. DFBLVL Geeshsha Mas'aafaa

   6 Shin taana ammaniyaa ha guutsa naanaappe ittuwaa baletsiyaa ooninne, gaac’c’iyaa wogga wos’aa bare k’ood’iyaan k’achchiide, abbaa c’iimmuwaan mitettiyaawe aw lo"a.

   7 «Alamii asaa d’ubbiyaa diraw, sa’aw aayyero; ayaw gooppe, d’ubbiyaabay yuussaa aggena; shin d’ubuu Aa gaasotaan yiyaa uraw aayyero.

   8 «Neena kushii woy ne gedii neena baletsooppe, neeppe k’ans’s’a ola; neeni laa"u kushiyaannanne laa"u gediyaanna med’inaa tamaan olettiyaawaappe wobba woy duus’a kushiyaanna med’inaa de’uwaa geliyaawe new lo"a. 9 K’ay ne ayfii neena baletsooppe, neeppe wooc’a kessa ola; neeni laa"u ayifiyaana Gaannamiyaa tamaan olettiyaawaappe itti ayifiyaana med’inaa de’uwaa geliyaawe new lo"a.

2. DWNT Novo Testamento Dawro

   6 Shin taana ammaniyaa ha guutha naanaappe ittuwa balethiya ooninne, gaacciyaa wogga woxaa bare qoodhiyaan qachchiide, abbaa ciimmuwaan mitettiyaawe aw lo77a.

   7 "Alamii asaa dhubbiyaa diraw, sa7aw aayyero; ayissi gooppe, dhubbiyaabay yuussaa aggenna; shin dhubuu A gaasotaan yiyaa uraw aayyero.

   8 "Neena kushii woy ne gedi neena balethooppe, neeppe qanxxa ola; neeni laa77u kushiyaannanne laa77u gediyaanna medhinaa tamaan olettiyaawaappe wobba woy duuxa kushiyaanna medhinaa de7uwaa geliyaawe new lo77a. 9 Qassi ne ayfii neena balethooppe, neeppe wooca kessa ola; neeni laa77u ayifiyanna Gaannamiyaa tamaan olettiyaawaappe itti ayifiyanna medhinaa de7uwaa geliyaawe new lo77a.