1 ዳሮ ገደ ሴርና እጺደ፥ ሞርጊ ሌዳ ኡራይ ሀሳየናን መአና፤ ሄ ኡራዉ ፓጹካ ባዋ።

2 ጽሎ አሳቱ ሱንትያ ዎደ አሳይ ናሸቴ፤ ሽን ኢታቱ ቢታ ሞድያ ዎደ አሳይ ኦሌ።

3 አዳ ኤራ ዶስያ አሳይ ባረ አዉዋ ናሸቼ፤ ሽን ዎሹምያ ማጫ አሳቱዋ ሄራን ዩይያ አሳይ ባረ ሚሻ ዉርሴ።

4 ቱሙዋ ፕርድያ ካቲ ባረ ካዉተ ዎፑ ኦ፤ ሽን ማታይያ ማናዉ ዮራትያዌ ባረ ካዉተ ባይዜ።

5 ባረ ሾሩዋ ሳቢደ ሃሳይያ ኡራይ፥ አ ገድያዉ ግትያ የጌ።

6 ኢታ አሳይ ግቲ ኦይቂያዋዳን፥ ባረ ናጋራን ኦይቀቴ፤ ሽን ጽሎ አሳይ ናሸታናዉነ የጻናዉ ዳንዳዬ።

7 ጽሎ አሳይ ህዬሳ ማታ ቦንቼ፤ ሽን ኢታ አሳይ ሄዋ ማላ ኤራ ኡባካ ኤረና።

8 ቅሊጭያዋንቱ ካታማን ዋላሳ ደንኖ፤ ሽን አዳ ኤራንቻ አሳቱ ሀንቁዋ እርጽሲኖ።

9 አዳ ኤራንቻ አሳይ ቦዛ አሳ ፕርዳ ጎለ አፎፐ፥ ቦዛይ ሀንቀቴነ ቅ፤ አዉ ያቶፐ ሳሩ ዬ።

10 ሱ ጉሳናዉ ጃምያ አሳቱ ሱረ አሳ እጺኖ፤ ቃይ ጽሎ አሳካ ዎናዉ ኮዪኖ።

11 ቦዛ አሳይ ባረ ሀንቁዋ የድ በሴ፤ ሽን አዳ ኤራ አሳይ ባረ ሀንቁዋ ምቴ።

12 እት ሱንቴዳ ኡራይ ዎርዱዋ ኦዱዋ አኮፐ፥ አ ኦሳንቻቱ ኡባይ ኢታ ከሲኖ።

13 ህዬሳይነ አሳ ናቂያ አሳይ እትባ ኮጺኖ፤ ኡንቱንቱ ላኦካ አይፍያ መና ጎዳይ ጼልሴ።

14 እት ካቲ ህዬሳዉ ሱረ ፕርዶፐ፥ እ ባረ ካዉተን ጋምአና።

15 ቃይጼሪነ ሴራይ ናናቶ አዳ ኤራ እሜ፤ ሽን የዳን ድጬዳ ናአይ ባረ አቶ ካዉሼ።

16 ኢታ አሳቱ ዳርያ ዎደ፥ ናጋራይ ዳሬ፤ ሽን ጽሎቱ ኡንቱንቱ ኩንደ በአና።

17 ነ ናኣ ሴራ፤ ያቶፐ፥ እ ነዉ ሳሩዋ እማና፤ እ ኔና ናሸቻና።

18 ጾሳይ ካለያ ካለሱዋ አከና ደሪ የዳ፤ ሽን ህግያ ናግያ ኡራይ አንጀቴዳዋ።

19 ቆማይ ጮ ኦዶ ጻላን ሴረት ኤረና፤ ኦዱ አዉ ገልንቶካ እ አዛዘተና።

20 ኤሌሌ ኤሌሌ ሃሳይያ ኡራ በአ ኤራይሻ? አፐ ቦዛ ኡራዉ ስንናዉ ዳሮ ህዶታይ ደኤ።

21 ነ ቆማዉ ናአተፔ ዶምና፥ እ ኮይያዋ ኡባ አዉ እማ ሜዘዮፐ፥ እት ጋላስ ነዉ ደእያዋ ኡባ አካናዉ እ ካጄላናዌ አተና።

22 ሀንቀትያ አሳይ ዋላሳ ደን፤ ኤለ ይሎትያ አሳይ ዳሮ ናጋራ ኦ።

23 ኦቶሩ አሳ ካዉሼ፤ ሽን ሆክያ አያናይ ደእያ አሳይ ቦንቼቴ።

24 ካይሱዋና ሻክያ ኡራይ ባረና እጽያ አሳ፤ እ ዳባባን ቱሙዋ ኦዶፐካ ሙረቴ፤ ቱሙዋ ኦዳና ዮፐ ቃይ፥ ጾሳይ አ ሙራና።

25 አሳዉ ያይያዌ ሄ ኡራዉ ጲረ ግዴ፤ ሽን መና ጎዳን አማነትያ አሳይ ሳሮ ደኤ።

26 ዳሮቱ ሱንተይ ደእያ አሳቱዋ አዉዳሺኖ፤ ሽን ሱረ ፕርዳይ መና ጎዳ ማታፐ ቤቴ።

27 ጽሎቱ ናጋራንቻቱዋ ሸነቲኖ፤ ናጋራንቻቱካ ሱረ ኡራ ሸነቲኖ።