1 Kaatatuwaa 1

Solomone Kaateteedda

11 Hewaappe guyyiyaan, Naataani Solomone daayo Berssaabeeho hawaadan yaagiide oochcheedda; «Nu goday Daawite erennan de’ishshin, Haggiitti na’ay Adooniyaas kaateteeddawaa neeni sisabeykkiiyye?✝1:11 2 Sam. 12:24 12 Yaatooppe, ha"i neeni ne shemppuwaanne ne na’aa Solomone shemppuwaa waataade ashshanintto neena taani ane zoray. 13 Kaatiyaa Daawitakko gelaade hawaadan yaaga; ‹Ta godaw kaatiyaw, taw ne k’oomatiw, «Tuma, taappe guyyiyaan ne na’ay Solomone kaatetana; ta kawutetsaa araatan I uttanawaa» yaagaade c’aak’k’abeykkii? Yaatina, Adooniyaas ayaw kaateteedee?› yaaga.