21 Kaatii Daawite ha yewuwaa siseedda wode, loytsi hank’k’etteedda. 22 Abeseeloomi Aminoonaw mal"uwaa c’amuwaakka k’aattibeenna. Bare michchato Taamaaro bayzzeedda diraw, Aminoona morkkeedda.
Abeseeloomi Aminoona Wod’eedda
23 Laa"u laytsaappe guyyiyaan, Efireema zawaa matan Baa’ool-Has’oora giyaa sa’aan Abeseeloomi dorssaa isikiyaa meedissee; kaatiyaa naanay ubbay he sa’aa yaanaadan Abeseeloomi unttuntta s’eeseedda.