P’awuloosi K’oronttoosa Beedda
1 Hewaappe guyyiyaan, P’awuloosi Ateenaappe kesiide, K’oronttoosa beedda. 2 Hewaan Ak’iilaa giyaa itti Ayihuda bitaniyaa demmeedda; Ak’iilay P’ans’s’oossan yeletteedda; Ayihuda Asay ubbay Roomeppe kesana mala, K’alawudeyoosi azazeedda diraw, amareeda wodiyaappe kase, I bare machchatti P’irisk’k’illanna S’aaliyaappe yeedda; P’awuloosi unttunttunna gakettanaw beedda. 3 Aa oosuunne unttunttu oosuu itti mala dunkkaaniyaa sikaa gidiyaa diraw, unttunttunna uttiide, ittippe ootseedda. 4 P’awuloosi Sambbataa ubbaan Ayihudatuwaana Giriikatuwaa ammantsanaw Ayihuda woosa golliyaan palumettee.
5 Sillaasenne S’imootoose Mak’idooniyaappe yeedda wode, P’awuloosi Ayihudatoo Yesuusi bare huup’ew Kiristtoosa gideeddawoo k’aalaa oduwaa toleedda. 6 Shin unttunttu P’awuloosa haasayaa p’alk’k’inanne Aa borina, P’awuloosi bare mayuwaappe baanaa k’ok’k’ofiidde,18:6 Mayuwaappe baanaa k’ok’k’ofiidde: Hawaa guussay gediyaappe baanaa k’ok’k’ofiyaawaanna itta. «Hinttenttu iitatetsay hinttentta oyk’k’o; taani hewaan gelikke; hawaappe hini baggan taani Ayihuda gidenna asaakko bay» yaageedda.
7 Hewaappe kesiide, S’oossaw goyinniyaa Yoss’s’oosa giyaa bitaniyaa soy beedda; Yoss’s’oosa gollii Ayihuda woosa golliyaa matan de’ee. 8 Ayihuda woosa golle kaappuu K’arisip’p’oosi bare soy asaa ubbaanna Godaa ammaneedda; K’oronttoosa asatuwaappekka c’oratuu S’oossaa k’aalaa siseedda wode, ammaniide s’ammak’etteeddino.
9,10 Goday itti k’amma sas’aan P’awuloosa, «Yayyoppa; oda; c’o"u gooppa. Taani neenanna de’iyaa diraw, neena k’ohanaw iitabaan yeggana Asay ooninne baawa; ayaw gooppe, taw ha katamaan c’ora Asay de’ee» yaageedda. 11 P’awuloosi S’oossaa k’aalaa asaa tamaarissiidde, itti laytsanne usuppun agenaa unttunttunna utteedda.