12 Shin Pilip’p’oosi S’oossaa kawutetsaabaanne Yesuusi Kiristtoosa suntsaabaa attumawanttoonne mac’c’awanttoo mishiraachchuwaa odiidde, unttunttu aabaa ammaniide s’ammak’etteeddino. 13 K’ay Simoonikka bare huup’ew ammaniide s’ammak’etteeddawaappe guyyiyaan, Pilip’p’oosanna ittippe de’iidde, oosettiyaa malaataanne S’oossay ootseedda wolk’k’aama malaataa be’iide maalaletteedda.