14 Hewaa ubbaa bolla, ubbabaa ittippe shiishshi k’achchiyaa siik’uwaa mayyite. 15 Kiristtoosi immiyaa sarotetsay hinttentta mooddo; ayaw gooppe, S’oossay hinttentta itti asaa ootsiide, he sarotetsaw s’eeseedda S’oossaa galatite.

16 Kiristtoosa k’aalay hinttenttu wozanaan kumiide de’o; hinttenttoo de’iyaa aad’d’eedda eratetsaa ubbaan ittuu ittuwaa tamaarissitenne zorite; hinttenttu wozanaan S’oossaa galatiidde, woosaanne mazimuriyaa, S’oossaa suntsaa d’ok’k’u ootsiyaa yetsaa yes’s’ite.✝3:16-17 Efe. 5:19-20 17 Hintte ay haasayiyaawaa woy ay ootsiyaawaa gidooppekka, Aawuwaa S’oossaa Yesuusa baggana galatiidde, ootsiyaawaa ubbaa Godaa Yesuusa suntsan ootsite.