Galaatiyaa 4:21-26

Em outras traduções

1. DFBE Gesha Matsafa

   21 ሙሴ ህግያን ሞደቲደ ደአናዉ ኮይያዋንቶ፥ ህጊ ግያዋ ስስክቴ? አነ ታዉ ኦድተ። 22 አያዉ ጎፐ፥ ጾሳ ማጻፋይ፥ "አብራሃሞ ዳንጋጽራትፐነ ጎዳትፐ የለቴዳ ላኡ ናናይ ደኢኖ" ያጌ።✝4:22 ዶመ 16:15፤ 21:2 23 ሽን ዳንጋጽራት ናአይ አሳይ ናኣ የልያ ማራዳንካ የለቴዳ፤ ቃይ ጎዳት ናአይ፥ ጾሳይ ስንፐ እማና ጊደ ቃላ ገሌዳዋን የለቴዳ።

   24 ሀ ላኡ ማጫዋንቱ ላኡ ጫቆ ግድያ ሌምሶ። ኡንቱንቱፐ እትና፥ ሙሴዉ ህጊ እመቴዳ ሲና ደርያፐ ጫቁ ዬዳዉና፥ ባረ ናና አይለተዉ የላዱ፤ እዛካ አጋሮ። 25 ሀ አጋራ አራብያ ጌተትያ ጋድያን ደእያ ሲና ደርያን ሌምሰታዉ፤ ቃይካ ሀእ ደእያ የሩሳላመን ሌምሰታዉ፤ አያዉ ጎፐ፥ የሩሳላመ ካታማይ ባረ ግዶን ደእያ አሳ ኡባና ሙሴ ህግያ አይለተን ደኤ። 26 ሽን ሳሉዋን ደእያ የሩሳላመ አይለተን ደኡኩ፤ እዛ ኑዉ አቶ ግዴዳ ሳሮ።

2. DWNT Novo Testamento Dawro

   21 Muse higgiyan moodettiide de7anaw koyyiyaawanttoo, higgii giyaawaa siskkitee? Ane taw odite. 22 Ayissi gooppe, Xoossaa Maxaafay, "Abraahaamossi danggaaxirattippenne godattippe yeletteedda laa77u naanay de7iino" yaagee. ✝4:22 Dom 16:15; 21:2 23 Shin danggaaxiratti na7ay asay na7aa yeliyaa maaraadankka yeletteedda; qassi godatti na7ay, Xoossay sinthappe immana giide qaalaa geleeddawaan yeletteedda.

   24 Ha laa77u maccawanttu laa77u caaquwassi gidiyaa leemiso. Unttunttuppe ittinna, Musessi higgii imetteedda Siinaa Deriyaappe caaquu yeeddawunna, bare naanaa aylletethaw yelaaddu; izakka Aggaaro. 25 Ha Aggaara Arabiyaa geetettiyaa gadiyan de7iyaa Siinaa Deriyaan leemisettaw; qassikka ha77i de7iyaa Yeerusalaamen leemisettaw; ayissi gooppe, Yeerusalaame katamay bare giddon de7iyaa asaa ubbaanna Muse higgiyaa aylletethaan de7ee. 26 Shin saluwan de7iyaa Yeerusalaame aylletethaan de7ukku; iza nuussi aatto gideedda Saaro.