Galaatiyaa 4:21-26

Em outras traduções

1. DFBLVL Geeshsha Mas'aafaa

   21 Muse higgiyan moodettiide de’anaw koyyiyaawanttoo, higgii giyaawaa sisikkitee? Ane taw odite. 22 Ayaw gooppe, S’oossaa Mas’aafay, «Abraahaamoo danggaas’irattippenne godattippe yeletteedda laa"u naanay de’iino» yaagee.✝4:22 Dom. 16:15; 21:2 23 Shin danggaas’iratti na’ay Asay na’aa yeliyaa maaraadankka yeletteedda; k’ay godatti na’ay, S’oossay sintsappe immana giide k’aalaa geleeddawaan yeletteedda.

   24 Ha laa"u mac’c’awanttu laa"u c’aak’k’oo gidiyaa leemiso. Unttunttuppe ittinna, Musew higgii imetteedda Siinaa Deriyaappe c’aak’uu yeeddawunna, bare naanaa ayiletetsaw yelaaddu; izakka Aggaaro. 25 Ha Aggaara Arabiyaa geetettiyaa gadiyaan de’iyaa Siinaa Deriyaan leemisettaw; k’aykka ha"i de’iyaa Yerusaalamen leemisettaw; ayaw gooppe, Yerusaalame katamay bare giddon de’iyaa asaa ubbaanna Muse higgiyaa ayiletetsaan de’ee. 26 Shin saluwaan de’iyaa Yerusaalame ayiletetsaan de’ukku; iza nuw aatto gideedda Saaro.

2. DFBE Gesha Matsafa

   21 ሙሴ ህግያን ሞደቲደ ደአናዉ ኮይያዋንቶ፥ ህጊ ግያዋ ስስክቴ? አነ ታዉ ኦድተ። 22 አያዉ ጎፐ፥ ጾሳ ማጻፋይ፥ "አብራሃሞ ዳንጋጽራትፐነ ጎዳትፐ የለቴዳ ላኡ ናናይ ደኢኖ" ያጌ።✝4:22 ዶመ 16:15፤ 21:2 23 ሽን ዳንጋጽራት ናአይ አሳይ ናኣ የልያ ማራዳንካ የለቴዳ፤ ቃይ ጎዳት ናአይ፥ ጾሳይ ስንፐ እማና ጊደ ቃላ ገሌዳዋን የለቴዳ።

   24 ሀ ላኡ ማጫዋንቱ ላኡ ጫቆ ግድያ ሌምሶ። ኡንቱንቱፐ እትና፥ ሙሴዉ ህጊ እመቴዳ ሲና ደርያፐ ጫቁ ዬዳዉና፥ ባረ ናና አይለተዉ የላዱ፤ እዛካ አጋሮ። 25 ሀ አጋራ አራብያ ጌተትያ ጋድያን ደእያ ሲና ደርያን ሌምሰታዉ፤ ቃይካ ሀእ ደእያ የሩሳላመን ሌምሰታዉ፤ አያዉ ጎፐ፥ የሩሳላመ ካታማይ ባረ ግዶን ደእያ አሳ ኡባና ሙሴ ህግያ አይለተን ደኤ። 26 ሽን ሳሉዋን ደእያ የሩሳላመ አይለተን ደኡኩ፤ እዛ ኑዉ አቶ ግዴዳ ሳሮ።