Kiristtoosan Ayiletetsaappe Kesussaa
1 Nuuni ayiletetsay baynnaan, de’ana mala, Kiristtoosi nuuna ayiletetsaappe kesseedda; simmi minniide ek’k’ite; laa’entsuwaa ayiletetsaa morgge mitsaan waas’ettoppite.
2 Sisite, taani P’awuloosi, hinttentta yaagay; hintte k’as’s’arettiyaawaa gidooppe, Kiristtoosi hinttentta ayinne maaddenna. 3 K’as’s’arettiyaa ubbatuu higgii giyaawaa ubbaa poliide naaganaw bessiyaawaa gujjaade k’ofetsay. 4 Higgiyaa naagiide s’illanaw koyyiyaawanttoo, Kiristtoosappe shaaketteeddita; S’oossaa aad’d’o keekatetsaappekka kunddeeddita. 5 Nuuna gidooppe, nuuni S’oossaa Ayaanaa baggana ammanuwaan s’illanaw nashechchaan naageetto. 6 Ayaw gooppe, nuuni Kiristtoosi Yesuusanna ittippe de’ooppe, siik’uwaan ootsiyaa ammanuwaappe attin, k’as’s’arettinakka, k’as’s’arettennaan agginakka nuuna ayinne maaddenna.