Yesuusi Bonchchuwaan Yerusaalame Geleedda
12 Wonttetsa gallassi Paasigaa bonchchiyaasaa yeedda daro Asay Yesuusi Yerusaalame biyaawaa siseedda. 13 Yaatiide zambbaa haytsaa oyk’k’iide,12:13 Zambbaa haytsaa oyk’k’iide: Hawe Ayihuda Asay eretteedda asaa mokkiyaa wogaa. Aa mokkanaw keseeddino. Barenttu kooshshaa d’ok’k’u ootsiide,
«S’oossay galatetto!
S’oossaa suntsan yiyaa Israa’eeliyaa kaatii anjjetteeddawaa!»
yaageeddino.12:13 Maz. 118:25
14,15 S’oossaa Mas’aafay,
«S’iyoone katamaw, yayyoppa!
Be’a, ne kaatii hare maraa bolla uttiide yee»
giyaawaadan, Yesuusi hare maraa demmiide, Aa toggeedda.
16 Yesuusa kaalliyaawanttu hewaa kase akeekibeykkino; shin Yesuusi bonchchetteeddawaappe guyyiyaan, S’oossaa Mas’aafay hewaa ubbaa geeddawaanne k’ay unttunttukka hewaa ubbaa Yesuusaw ootseeddawaa hassayeeddino.
17 Ali’aazar moogetteedda gonggoluwaappe Yesuusi Aa s’eesiide, hayk’uwaappe dentseedda wode, Yesuusanna de’iyaa daro Asay Yesuusaw markkatteedda. 18 Daro Asay Aa mokkanaw kesseeddawe, I he wolk’k’aama maalaliyaawaa ootseedda diraassa. 19 Hewaa diraw, Parisaawatuu ittuu ittuwaa, «Hinttenttu ayinne ootsanaw danddayennawaa be’iitee! Be’ite, gade ubbay Aa geeduwaa kaalleedda» yaageeddino.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)