Lucas 2

Yesuusa Yeletaabaa

1 He wode*2:1 He wode, Geetettowe S’ammak’iyaa Yohaannisi yeletti simmiide biro guutsatetsaan de’ishshin Yesuusi yeletto wodiyaanna. Roomaa kawutetsaa garssan de’iyaa Asay ubbay suntsaa s’aafettanaadaninne paydettanaadan Awugiss’s’oose K’eesareppe*2:1 K’eesaara: Giyaa suntsay kaatiyaa guussa. Hewenneekka c’ora gadiyaa mooddiyaa wolk’k’ay de’iyaa c’ora kaatatuwaa kaatiyaa guussaa. azazuu keseedda. 2 Hewenneekka, K’ereneyoose*2:2 K’ereneyoosa: Geetettiyaawe Roomaa kaatii Awugiss’s’oose, Sooriyaa geetettiyaa Yihudaanne Galiilaa Awuraajjatuwaa oyk’k’eedda gadiyaan suntsayeeddawaa. Sooriyaa gadiyaa mooddiyaa wode haneedda koyro asaa payduwaa.

3 Hawaa diraw itti itti Asay s’aafettanaw bare katamaa bare katamaa beedda. 4 Yooseefokka Daawita golliyaappenne yaraappe gidiyaa diraw Galiilaa Awuraajjaan de’iyaa Naazireete katamaappe denddiide Daawita katamaa gideeddawunnikko Yihudaan de’iyaa Beeteleeme geetettiyaa katamaa keseedda. 5 He wode yeliyaa wodii mateedda aw ooshetta utteedda Mayraamakka aanana ittippe baaddu.