12 Wonttetsa gallassi unttunttu Biitaaniyaappe kesiide biishshin, Yesuusi koshatteedda. 13 Haakuwaan itti balasiyaa giyaa mitsatto haytsaa mayya utteeddawunno be’iide, ooni eri I bolla ayfii beettooppenne giide, be’anaw izikko beedda; shin izikko I biyaa wode, haytsaa s’alalaappe attin, ayinne ayfiyaa demmibeenna; ayaw gooppe, balasii ayfiyaa wodii gakkibeenna. 14 Yesuusi he balasatto, «Neeppe shirettiide med’inaw ooninne ayfiyaa mooppo» yaageedda. Yesuusa kaalliyaawanttu I giyaawaa siseeddino.
Yesuusi Geeshsha Golliyaan Zal"iyaawantta Kesseedda
(Mat. 21:12-17; Luk'. 19:45-48; Yoh. 2:13-22)
20 Unttunttu wonttetsa gallassi guura ogiyaanna aad’d’iidde, he balasatta s’ap’uwaanna mela diggeeddawunno be’eeddino. 21 P’es’iroosi hassayiide, «Tamaarissiyaawoo, be’a; neeni shek’k’eedda balasatta mela diggaaddu» yaageedda.