Marcos 3

22 Higgiyaa tamaarissiyaa itti itti asatuu Yerusaalameppe yiide, «Yesuusa bolla Bi’eel-Zebuuli de’ee» yaageeddino; k’ay, «S’alahatuwaa kaappuu barew wolk’k’aa immina, iita ayyaanatuwaa kessee» yaagiide haasayeeddino.✝3:22 Mat. 9:34; 10:25

23 Yesuusi asaa barekko s’eesiide, leemisuwaa odiidde, «Sees’aanay Sees’aanaa wooti kessanaw danddayi? 24 Itti kawutetsay bare giddon shaakettooppe, he kawutetsay ek’k’anaw danddayenna; 25 k’ay itti golle asaykka bare giddon shaakettooppe, he golle asaykka ek’k’anaw danddayenna. 26 Sees’aanay barenanna walak’ettiide shaakettooppe, bayanaappe attin, de’ana danddayenna.

27 «Shin wolk’k’aama asaa golle geliide kasetiide Aa k’achchennaan de’iidde, Aa miishshaa bonk’k’anaw danddayiyaa Asay baawa; k’achcheeddawaappe guyyiyaan, Aa golliyaa bonk’k’anaw danddayee.

28 «Taani hinttenttoo tumuwaa gay; S’oossay asaa naanaw nagaraa ubbaanne unttunttu boriyaa boriyaa*3:28 Boriyaa boriyaa: Guussay S’oossaa bollan Asay haasayiyaa iita, balanne geella haasayaa. ubbaa atto gaana; 29 shin Geeshsha Ayaanaa bolla iita boriyaa haasayiyaa oossinne med’inaw nagaraa gidanaappe attin, S’oossay ubbakka atto geena» yaageedda.✝3:29 Luk'. 12:10 30 Yesuusi hewaa geeddawe, itti itti asatuu, «Yesuusa bolla iita ayyaanay de’ee» yaageedda diraassa.