6 Neenoo azallaw, k’aac’otuwaakko ba; unttunttuppe tamaara. Yaatiide aad’d’eeda eranchcha gida. 7 K’aac’otuwaa oosissanaw, kaappuu woy unttuntta mooddiyaawe baawa; 8 shin barenttoo maanabaa boniyaan minjjiino; katsaa c’akkiyaa wodekka barenttoo koshshiyaa k’umaa shiishshiino. 9 Neenoo azallaw, neeni awude gakkanaw gem"ishshay? Ne gem"ishshuwaappekka awude dendday? 10 Neeni k’aykka guutsaa gisaassa; guutsaa gem"ishshaassa; kushiyaa shiishsha akkaade, guutsaa shemppaasa.✝6:10-11 Lem. 24:33-34 11 Yaatiyaa wode hiyyeesatetsay panggaadan, pac’ay olaa miishshaa oyk’k’eedda asaadan, ne bolla yaana.