2 कुरन्थियो 1

यहोवा–भगवान क धन्यवाद करने

3 आमरो पोरबु ईशु मसीह क यहोवा–भगवान आरू बास क धन्यवाद होय, जो दया क बास आरू सब प्रकार कि शांती क यहोवा–भगवान छे। 4 वो हामरे सब तकलीद मा शांती देता छे; ताकि हामु उना शांती क कारण जो यहोवा–भगवान हामु देता छे, तीनुक भी शांती देय सके जो काही प्रकार क तकलीद मा होय। 5 काहकि जोसो मसीह क दुःख मा हामु सवटो सहभागी हुयसे छे, वोसो ही हामु शांती मा भी मसीह क द्वारा सवटो सहभागी हुयसे छे। 6 यदि हामु तकलीद मा देखता छे, तो यो तुमरी शांती आरू उध्दार क करता छे; आरू यदि शांती देखता छे, तो यो तुमरी शांती क करता छे; ओका शक्ति छे तुमू धीरज क साथे उन तकलीद क सह लेता होय, जिन्हे हामु भी सहत छे। 7 हामरी आश तुमरे विषय मा दृढ़ छे; काहकि हामु जानता छे कि तुमू जोसो हामरे दुःख मा, वोसो ही मदत मा भी सहभागी होय।