एस्तेर 10

राजा क्षयर्ष आरु मोर्दकेन महानता

1 राजा क्षयर्ष न देश आरु दरिया क टापुओं पोर फाळु लागाड़्यो। 2 ओका माहात्म्य आरु पराक्रम क कामो, आरु मोर्दके नु उना बड़ाई क पुरो ब्योरो, ज राजा न ओकी कोर्‌यो हुतो, काय हुयो मादे आरु फारस क राजाओं क इतिहास नी किपात मा नी लिखलो होय? 3 निदान यहुदी मोर्दके, क्षयर्ष राजात क नेचो हुतो, आरु यहुदियो नी निंगा मा मोटो हुतो, आरु ओका आखा भाई ओकासी खुश हुता, काहकी हुयो आपसा लोगहन क भलाई नु हेर मा रोया कोरतो हुतो, आरु आपसा आखा लोगहन सी वार शान्ति क वाते कोरतो हुतो।