प्रेरित 15

यरूशलेम न सभा

1 पछा काहय मानसी यहूदि या रईन आवीन भाईयो काजे सिखावने लाग्या: "यदि मूसान रीति पर तुमरो खतना नी होय ते तुमू उध्दार नी जुड़ सके।" 2 जव पौलुस आरू बरनबास साथे ओको बैस झगड़ु आरू वाद–विवाद होयु ते यो ठहरायो गयो कि पौलुस आरू बरनबास आरू ओकामा रईन काहय व्यक्ति ओकी वातम विषय मा प्रेरितन आरू डाहडा साथे यरूशलेम मा जाय।

3 शेवली कावा मंडळी हेके जराक नांबे तक पुगाड़से; आरू चाँ फीनीके आरू सामरिया रईन जात–जातु गैरयहुदीन मन फिरवनेन खबर सोंबाड़तु गयु, आरू सब भाई बैस खुश हुया। 4 जव चाँ यरूशलेम पुग्यु, ते मंडळी आरू प्रेरित आरू डाहडा उका खुस मा मिवायु, आरू हेकेने कयो कि यहोवा–भगवान ओको साथे होईन कोसला–कोसला काम कर्‍या हुता। 5 पुन फरीसियान पंथ मा रईन जा विश्वास कर्‍या हता, ओका रईन काहय उठावीन कयो, "हेके खतना करावनेन आरू मूसान व्यवस्था माननेन हुकुम देनी आपनो जुवे।"

6 तव प्रेरित आरू डाहडा ओको वातन विषय मा विचार करनेन करता एखठा होया। 7 ✝15:7 प्रेरितन 10:1-43तव पतरस बैस वाद–विवाद होय जानेन बाद उभु होईन ओका सी कयो, "हे भाईयो, तुमू जानता सी कि बैस दाहाड़ा होया यहोवा–भगवान तुमू मा रईन मखे निवाड़ लेदु कि मार मुयम रईन गैरयहुदी खुश खबर वचन सोंबीन विश्वास करू। 8 ✝15:8 प्रेरितन 10:44; 2:4मन काजे पारखनेवालु यहोवा–भगवान ओका सी भी हामरे समान चुखलो आत्मा आपीन ओको गवाय देदी; 9 आरू विश्वासन द्वारा ओको मन शुद्ध करीन हामरे मा आरू उका मा काहय भेद नी राख्यु। 10 ते हिमी तुमू काँह यहोवा–भगवानन पारख कर रिया कि चेलान गळा पर ओसलो जुवड़ो राखु, जीनाक नी हामरा बाबदादा उठाड़ सके हुता आरू न हामु उठाड़ सकता सी? 11 होव, आमरो यो छाचो सी कि जीन रीति रईन चाँ पोरबु ईशुन फोकटन दया रईन उध्दार जुड़सी; तीनी रीति रईन हामु भी जुड़सी।"

12 तव सब सभा त्योपचाप बरनबास आरू पौलुसन सोंबवने लाग्या, कि यहोवा–भगवान ओको द्वारा गैरयहुदी मा कोसा मोटा–मोटा सहलानी, आरू घण मोटो काम देखाड़े। 13 जव चाँ चुप होया ते याकूब कयनो लाग्यु, "हे भाईयो, मारी सोंबु।" 14 शमौन कयो कि यहोवा–भगवान पेहल–पेहल गैरयहुदी पर कोसी किरपा नजर करियो कि ओकामा रईन आपसा नावन करीन एक मानुस बनावले। 15 ओका भविष्यवक्तान वात भी मिवती सी, जोसो कि लिखलो सी,

16 ओका बाद हाव अळी पछु आवीन आरू

दाऊदन पड़ला तम्बू क अळी उबो करीस,

आरू उका उजाड़ जागा क अळी बनावीस,

आरू उको उबो करसु,

17 अतरानकरीन वाचला मानुस

मतलब सब गैरयहुदी जो म्हार नावन कहवाये, पोरबु काजे हेरो,

18 यो त्यो पोरबु कहवे जु जगत न उबजनो रईन इनी वात न खबर देतो आवलो छे।

19 अतरान करीन मार विचार यो सी कि गैरयहुदी मा रईन जा मानसे यहोवा–भगवानन तरफ रईन फिरता छे, आपो इनुक दुःख नी देनु; 20 पुन ओका लिखीन मोकल्या कि चाँ मुर्ती विटळ आरू व्यभिचार आरू गवा घुटला होयान मास रईन आरू लुहूय यो रईन छेठा रवे। 21 "काहकि पेहला जमानाम रईन गाव–गाव मा मूसान व्यवस्थान खबर करनेवाला हुयसे चालता आय रया सी, आरू त्यो हर आरामन दाहाड़े आराधना घर मा वाच जाती सी।"

गैरयहुदीन विश्वास काजे पत्री

22 तव सब मंडळी सहित प्रेरितन आरू डाहडा काजे वारलो लाग्यो कि आपसा मा रईन काहय मानसी काजे निवाड़, मतलब यहूदा जु बरसब्बा कहवाये सी, आरू सीलास काजे जा भाई हो मा मुखिया होतु; आरू हेके पौलुस आरू बरनबास साथे अन्तकिया मोकल्यु।

23 हेकेने ओको हाथमा यो लिख मोकल्यु: "अन्तकिया आरू सीरिया आरू किलिकियान रवनेवाला भाईयो काजे जा गैरयहुदी मा रईन सी, प्रेरितन आरू डाहडा काजे नमस्कार। 24 हामु सोंबवला सी कि हामरेम रईन काही वा जाईन, तुमूक आपसी वातम घाबराय दिदा; आरू तुमरा मन उलटा दी दिदा सी पुन हामु तीनुक हुकुम नी देदु होतु। 25 एरकरीन हामुक एक मनीया होईन ठीक समझिया कि निवाड़या होया मानसो काजे आपसा मोंगावु बरनबास आरू पौलुस साथे तुमरे जु मोकल्यु। 26 या ओसला मानसी सी जा आपनु जीव आमरू पोरबु ईशु मसीहन नावन करता अड़चन मा नाखला सी। 27 अतरान करीन हामु यहूदा आरू सीलास मोकल्या सी, जा आपसा मुयम रईन भी यी वात कय देता सी। 28 चुखलो आत्मा आरू हामुक ठिक जान पड़्या कि इन छाची वात काजे छुड़, तुमू पर आरू वजन नी नाखे; 29 कि मृत्यु पर बली क होयला सी आरू लहू रईन, आरू गवाड़ीन गळो दड़पीन मारला क मास रईन, आरू व्यभिचार रईन सीटु रवु। ओका सीटा रयु ते तुमरो भलो होयसी। ओगव शुभ।"

30 पछो वो हईन अन्ताकिया पुगीयो, आरू आखाक एखठा करीन वो चिठ्ठी आपी। 31 वो चिठ्ठी भनीन ओको शिक्षा करी वात सी घण खुशी होया। 32 यहूदा आरू सीलास ने जो आप भी भविष्यवक्ता होतो, घण वात सी भाईस्योक शिक्षा आपीन स्थिर कर्‍या। 33 वो काही दाहड़ा रोवीन, भाईस्यो सी शांतीन साथे विदा होया कि आपसा मुकलनेवावान साथे जाय। 34 पुन सीलासन वाँ रोवने वारलो लाग्या।

35 पुन पौलुस आरू बरनबास अन्ताकिया मा रया गयो: आरू दिसरा घण सी मानसोन साथे पोरबु न वचन क शिक्षा करता आरू खुश खबर सोमवावता रोवे।

पौलुसन आरू बरनबास मा मतभेद

36 कही दाहड़ा बाद पौलुस ने बरनबास सी कयो, जिन–जिन नगर मा हामु ने पोरबु न वचन सोमवाया हुता, आवु, पोछा इनुमा चालीन आपसा भाईस्योन देख कि वो कोसो सी। 37 तव बरनबास ने यहुन्ना न जो मरकुस कोवायतो सी, साथे लेने विचार कर्‍या। 38 ✝15:38 प्रेरितन 13:13पुन पौलुस ने ओको जो पंफूलिया मा इनुसी अलग होय गयो होतो, आरू काम पर इन्दरे साथे नी गया, साथे ली जाने वारलो नी समझिया। 39 शेवली कावा ओसो विवाद उठ्यो कि वो एक दिसरा सी अलग होय गयो, आरू बरनबास, मरकुसन लीन ढोंड्या पर साइप्रस मा चाली गयो। 40 पुन पौलुस ने सीलासन त्योन लेदो, आरू भाईस्यो सी यहोवा–भगवानन फोकटन दया मा सौप दिदा जाईन वाँ सी चाली गया। 41 आरू वो मंडळी स्थिर करता होया सीरिया आरू किलिकिया सी होयतो हुयो निकव्य।