1 पौलुस की आरू सी, जो यहोवा–भगवान की मरजी छे मसीह ईशु क प्रेरित छे, आरू भाईस तीमुथियुस की आरू छे।

2 मसीह मा उन चुखलो आरू विश्वास भाईस क नाव जो कुलुस्से मा रयता छे:

हामरा बास यहोवा–भगवान की आरू छे तुमूक फोकटन दया आरू शांती मुवती रया।

3 हामु तुमरे करता नित्य प्रार्थना करीन आपसा पोरबु ईशु मसीह क बास मतलब यहोवा–भगवान क धन्यवाद करता छे। 4 काहकि हामु ने सोमव्या छे कि मसीह ईशु पर तुमरा विश्वास छे, आरू सब चुखलो मानसे छे तुमू मोंग राखता होय। 5 ओको आश की होयी समान क कारण जो तुमरे करता सोरग मा राखी छे, जेरो वर्णन तुमू ओको खुश खबर क सच्चाई मा वचन सोमवी त्योक्यो होय। 6 जो तुमरा साथे पुगीयो छे, आरू धरती मा भी फैल जाय आरू बढ़ता जाता छे, वोसो ही जिना दाहड़ा छे तुमू ने ओको सोमव्या आरू सच्चाई छे यहोवा–भगवान क फोकटन दया उवखता छे, तुमू मा भी ओसो ही करता छे। 7 ✝तीनी की शिक्षा तुमू ने हामरा मोंगावु सहकर्मी इपफ्रास छे देखी, करता मसीह क विश्वासयोग्य दास छे। 8 तीनी ने तुमरा मोंग क जो आत्मा मा छे हामु पर प्रगट कर्‍या।

9 इनी करता जिना दाहड़ा छे यो सोमव्या छे, हामु भी तुमरा करता यो प्रार्थना आरू रावन्या करने नी छुड़ता कि तुमू सब आत्मिक ज्ञान आरू समझ सहित यहोवा–भगवान की मरजी की उवख मा पाका होय जावु। 10 ताकि तुमरी चाल चालने पोरबु क योग्य होय, आरू वो सब प्रकार छे खुश होय, आरू तुमू मा हर प्रकार क वारला काम क फोव लाग्या, आरू तुमू यहोवा–भगवान की उवख मा बढ़त जावु। 11 ओकी महिमा की शक्ति नको लारे सब प्रकार करी शक्ति छे बलवन्त होयतो जावु, याहा तक खुशी क साथे हर प्रकार छे धीरज आरू सहनशील ता देखाय सक्यो। 12 आरू बास क धन्यवाद करता रयो, जो हामु इनीये योग्य बनाय कि दिवा मा चुखलो मानसे क साथे मीरास मा सहभागी होय। 13 तीनी ने हामु आंधारला क वश छे छुड़ीन आपसा मोंग पोर्‍या क राज मा भरायने कराया। 14 ✝जिना मा हामु छुटकारू मतलब पाप की माफ हासिल होयती छे।

15 वो तो विन देखिया यहोवा–भगवान क सारखो रूप आरू सारी सृष्टि मा पेहलू कोवषो छे। 16 काहकि तीनी मा सब समान की सृष्टि होयी, सोरग करी होय धरती की, देखी या विनदेखियो, काय सिहासन, काय पोरबुता काय प्रधानता, काय हक, सब समान तीनी क द्वारा आरू तीनी क करता सृजी गयी छे। 17 चो सब समान मा पेहलो छे, आरू सब समान तीनी मा स्थिर रयती छे। 18 ✝चो देह, मतलब मंडळी क मुनको; चो शुरू छे, आरू मरला होया मा छे उठनेवावा मा पेहला कोवषा कि सब वात मा चो प्रधान ठेराया। 19 काहकि बास की खुशी इनी मा छे कि ओकामा सारी परिपूर्णता वास करे। 20 ✝आरू उना क कुरूस पर वहय होया लुहूय क द्वारा भेटाव करीन, सब समान क तीनी क द्वारा छे आपने साथे मेल कर लेन जूवे वो धरती पर की होय या सोरग माईन।

21 तुमू जो पेहल निकायो हुयो होतो आरू बुरा काम क कारण मन दुस्मन होतो। 22 त्यो हिमी ओकी शारीरिक देह मा मरन क द्वारा तुमरा भी भेटाव कर लेदो ताकि तुमूक आपने सम्मुख चुखलो आरू निष्कलंक, आरू निर्दोष बनावीन हजुर करू। 23 यदि तुमू विश्वास की नींव पर दृढ़ बन रयो आरू ओको खुश खबर की आश क जिनाक तुमू ने नेचा की सारी सृष्टि मा कर्‍या गया, आरू जेरो हाव, पौलुस, सेवक बन्यो।

24 हिमी हाव उन दुःख क कारण खुशी करता करो, जो तुमरे करता झेलो आरू मसीह क दुःखो नी घटी ओका डील क करता, मतलब मंडळी क करता, म्हारा डील मा पूरी करो। 25 जेरी हाव यहोवा–भगवान क ओको तयारी क लारे सेवक बन जो तुमरे करता मखे आपी गया, ताकि हाव यहोवा–भगवान क वचन लोगहन वारलान करता पुगाड़ो। 26 मतलब पीढी छे सातायलो रया, पुन हिमी ओका उन प्रगट होया छे। 27 जिन पर यहोवा–भगवान ने प्रगट करने जूवे कि तीनुक ज्ञात होय कि गैरयहुदी मा ओको भेद की महिमा क मूल्य काय छे, आरू वो यो कि मसीह जो महिमा की आश छे तुमू मा रयता छे। 28 जेरो खबर करीन हामु हर एक मानुस क सिखाड़ता छे, कि हामु हर एक मानुस क मसीह मा सिध्द करीन हजुर करे। 29 इनी क करता हाव ओकी ओको शक्ति क लारे जो मखे मा शक्ति क साथे शक्ति नाखती छे, तन मन लागाड़ ़ी मेहनत भी करता छे।