João 11

21 मार्था ईशु कयी, "हे पोरबु, यदि तु या रोवतु, ते मार भाईस नी मरतु। 22 आरू हिमी भी हाव जानती छे कि जो काहय तु यहोवा–भगवान पर मांगसे, आरू यहोवा–भगवान तुखे आपसे।" 23 ईशु तीनीक कयो, "तार भाईस पछु जीव उठसे।" 24 मार्था तीनाक कयी, "हाव जानती छे कि शेवटला दाहाड़ाम पुनरूत्थानन टेमे त्यो जीव उठसे।" 25 ईशु ओका सी कयो, "पुनरूत्थान आरू जीवन हाव छे; जु काहय मखे पर विश्वास करता छे, त्यो यदि मर भी जाए तौभी जीवसे, 26 आरू जु कोय जीवतु छे आरू मखे पर जु विश्वास करे, त्यो अमरकाय जीवसे कदी नी मरसे। काय तु इन वात पर विश्वास करती छे?" 27 त्यो तीनाक कयो, "होव हे पोरबु, हाव विश्वास करती छे कि यहोवा–भगवानन पोर्‍य मसीह जु जगत मा आवनेवाळो हतु, त्यो तुच छे।"