1 अतरा पर पिलातुस ईशु क लीन कुड़ा लागाङवायो। 2 आरू सिपायड़ा काँटान मुकुट गुथीन हेका मुनका पर मेलमिलाप, आरू हेको बैंगनी उपर वाळा छिंदरा पेहराया, 3 आरू तीना जु आवीन कयनो लाग्या, "है यहूदिया क राजा, नमस्कार!" आरू तीनाह थापुड़ दिदा।

4 तव पिलातुस ओळी बाहर निकळीन लोगहन क कयो, "देखु, हाव हेको तुमरे जुळ ओळी बाहर लावो; काहकि तुमू जानु की हाव एका काय भी गुणू नी देखियो।"

5 तव ईशु क काटान मुकुट आरू बैंगनी छिंदरा पेहरलो बाहर निकळयो आरू पिलातुस ओको कयो, "देखु, यो, मानुस।"

6 जव डाहलो पुजारा आरू चाकरीयो हेको देखिया, तो आयड़ीन कयो, "हेको कुरूस पर चढ़ावु, कुरूस पर!" पिलातुस हेनको कयो, "तुमूत् हेको ली जाईन कुरूस पर चढ़ावु; काहकि म्हार निगाम यो गुणेगार नी होय।"

7 "यहूदि या हेको जवाब दिदा, हामरो भी नियम छे आरू तिना नियम न अनसारे हयो मार नाखने जुगु छे काहकि हयो आपसा क यहोवा–भगवान न पोर्‍या देखाङे।"

8 जव पिलातुस यी वात सोमळियो ती आरू भी बीह गयो।

9 "आरू ओळी किला न माहयता गया आरू ईशु छे कयो, तु काँ वाळो छे?" पर ईशु हेके काहय भी जवाब नी दिदो। 10 पिलातुस हेके कयो, "म्हार छे काँ नी बुलतो? काय तु नी जाने कि तुखे छुड़ देने क हक हाव छे आरू तुखे कुरूस पर चढ़ावनेन हक छे।"

11 ईशु जवाब दिदो, "कदाम तुखे ऊपर छे यो हक नी दियो जातो, ती तारो म्हार पर काय हक नी रहतो; हतरान करता जो हावखे तारा हात मा धरावलो छे, हेको पाप सवटो छे।"

12 हतरान करिन पिलातुस हेको छुड़ देनो चाहतलो, पर यहूदि या आयड़ीन कयो, "कदाम तु हेकेक छुड़ दिस ती तु कैसर न दुस्तिदार नी कहवाये; जो कोय आपसा क राजा बनावे त्यो कैसर न सामनो करे।"

13 यी वात सोमळीन पिलातुस ईशु क बाहर लायो आरू तिना धरती पर एक चबुतरो होतो, जो इब्रानी "गब्बता" कहवायतलो, आरू नियाव नी गाद्दी पर बठ्यो। 14 यो फसह न तिहवार न दाहड़ो होतो आरू छटवा घंटा धोड़े वोड़ होतो; तव त्यो यहूदि या छे कयो, "देखु, यो छे, तुमरो राजा छे, तुमरो राजा।"

15 पर त्या आयड़े लागिया, "ली जा! ली जा! हेको कुरूस पर चढ़ावलो!"

पिलातुस हेनको कयो, "काय हाव तुमरा राजा क कुरूस पर चढ़ावो?"

डाहला पुजारा जवाब दिदा, "कैसर क छुड़ीन हामरो राजा कोय नी होय।"

16 तव त्यो ओका हात मा सोंप दिदा कि त्यो कुरूस पर चढ़ायो जाय।

17 तव त्या ईशु क ली गया। आरू त्यो आपसो कुरूस हाकलीन तीना धरती पर तक बाहर गयो, जो खोपड़ी न जागो कवाये आरू इब्रानी मा "गुलगुता।" 18 चाहे त्या हेके आरू हेका सात मा दूय मानुस क कुरूस पर चढ़ाया, एका क इना धोङ मा आरू एका क उना धड़ मा, आरू ईशु क वीच मा। 19 आरू पिलातुस एक दोष पत्री लिखीन कुरूस पर लटकाड़ दिदो आरू ओका मा यो लिखीयो होतो, "ईशु नासरत यहूदि या न राजा।" 20 यो दोष पत्री घण सवटा यहूदि या भणिया काहकि त्यो जागो जा सारी ईशु कुरूस पर चढ़ायो गयो होतो नगर न पास होतो आरू इब्रानी आरू लातीनी आरू यूनानी मा लिखीयो होतो। 21 तव यहूदि या न डाहला पुजारा पिलातुस क कयो, "यहूदि या न राजा मा लिख पर यो लिख कि हयो कयो कि हाव यहूदि यान राजा छे।"

22 "पिलातुस जवाब दिदो, हाव जो लिख दिदो, चो लिख दिदो।"

23 जव सिपायड़ा ईशु क कुरूस पर चढ़ाय चुकिया, ती हेका लुगड़ा लीन चार भाग बनाड़े, हर सिपायड़ा जुगे एक भाग आरू सुटर भी लेदा, पर कुर्ता मा सीवन लागली नी हुती ऊपर सी नेचो तक बुनलो होतो; 24 हतरान करिन त्या आपसु कयो, "हामु इनाक नी फाड़ता, पर इना पर पत्री नाखजे कि त्यो कुनीन होयछे।" यो अतरानकरीन करिन हुयो, कि चुखलो शास्त्रन वात पुरी हुयो,

"त्या म्हारा छिन्दरा आपसु वाट लेदा

आरू म्हारा छिंदरा पर चट्ठी नाखिया,

यो काम सिपायड़ा करिया।"

25 ओळतेन सिपायड़ा ओसात् करिया। पर ईशु न कुरूस न पास हेकी आश आरू हेकी आश न बहिनीस मरियम, क्लोपासन, घर वाळी आरू मरियम मगदलीनी ऊब रया हुती। 26 "ईशु आपसी माय आरू तिना चाकरीयो क जिना छे त्यो मोंग राखतो होतो पास मा ऊबो देखीन आपसी माय छे कयो, ओ बाई, देख, यो तारो पोर्‍या छे।"

27 "तव तिना चाकरीयो छे कयो, देख, यी तारी माय छे।" आरू तिने टेहाव छे त्यो चेलो, हेकेक आपसे घर ली गयो।

28 ओळतेन ईशु यो जानीन कि हाय आखो काय छे चो पुरो हुयो; हतरान करता कि चुखलो शास्त्रन वात पुरी हुयो कयो, "हाव पिसलो छे।"

29 चाहे एक सिरका छे भरायलो टाहरो होतो, हेरेन करिन त्या छिंदरो लेपटायलो लाकड़ो सिरका मा डुबायो हेका मुय छे लागाङिया।

30 जव ईशु त्यो सिरको लेदो, ती कयो, "पुरो हुयो" आरू माथो नेचो करिन जीव छुड़ देदो।

31 आरू अतरानकरीन करिन त्यो तियारी न दाहड़ो होतो, यहूदि या पिलातुस विनती करिया की, कि हेनका पाय तुङ देयो आरू हेनको नेचा उतारे कि आरामन दाहड़े त्या कुरूस पर नी रये, काहकि त्यो आरामन दाहड़ो मोटो दाहड़ो होतो। 32 अतरानकरीन करिन सिपायड़ा आवीन पेहेलान पाय तुङिया तव दिसरान भी तुङिया, जो हेका सात मा कुरूस पर चढ़ाया गया हुता। 33 पर जव ईशु पास आवीन देखिया कि हुयो मर गयो, ती हेका पाय नी तुङिया। 34 पर सिपायड़ा माईन एक जनो भाला छे हेका पंजा मा भालो गुपीया आरू ओकाम छे तत्काल लुहूय यो आरू पानी निकळी पड़ियो। 35 जो यो देखियो, त्यो गवाय दिदो, आरू हेकी छाची छे; आरू त्यो जाने, आरू सच कहे कि तुमू विश्वास करो। 36 यी वात हतरान करिन होय कि चुखलो शास्त्रन वात पुरी हुयो, "हेकी काहली भी हाङकी नी तुड़े।" 37 ✝19:37 प्रकाशितवाक्य 1:7ओळी एक आरू धरती पर यो लिखलो छे, "जिनाक त्या बेधला छे, हेका पर नजर नाखछे।"

38 इनी वातन ओळतेन अरिमतियाह न यूसुफ, जु ईशु क चाकरीयो होतो, पर यहूदियान बीक छे इनी वात क ढाकीन राखलो होतो, पिलातुस छे रावन्या करियो, कि हाव ईशुन धोङ क ली जाम, पिलातुस हेकी रावन्या सोमळी लेदो, आरू त्यो आवीन हेको धोङ ली गयो। 39 ✝19:39 यहुन्ना 3:1,2नीकुदेमुस भी पेहले ईशु क पास गयो होतो पचास छेर न धोड़े वोड़ छे भेछेकायलो गन्धायनियो रस आरू एलवा ली आयो। 40 तव त्या ईशुन धोङ क ली गया आरू यहूदियान रीतिन अनसारे हेको वारला सुगन्ध वाळो द्रव्य न सात मा सीवङा मा लपटी दिदा। 41 तिना धरती पर वा ईशु क कुरूस पर चढ़ायो गयो होतो, एक वाड़ी हुती; आरू वाड़ी मा एक नवलो बीङो बनलो होतो; केका कोयक नी मेलमिलाप हुता। 42 आरू यहूदियान तियार हुयने क दाहड़ान कारण, काहकि त्यो मोळवाट्यो साथ मा होतो।