João 9

जनम रईन आंधवा द्रूष्टिदान

1 जातु जातु त्यो एक मानसो काजे देख्यु जु जनम रईन आँधवु हतु। 2 हेरेन चेला ओका सी पुछा, "हे गुरू, कुन पाप कर्‍यु हतु कि यु आँधवु जनायु, यु मानसन क ओका आवी–बासन?" 3 ईशु जवाब देदु, "नी ते यु पाप कर्‍यु हतु, नी ओको माय बास; पुन एरकरीन हुयो क यहोव–भगवानन काम ओका प्रकट होय।" 4 जु मखे मकल्यु छे, हामु हेरेन कामन दाहाड़ाम काम करनो जरूरी छे; ची रात आवनेवावी छे जीनाम कोय काम नी कर सके। 5 ✝9:5 मत्ती 5:14; यहुन्ना 8:12जव तक हाव जगत मा छे, तव तक अमरकाय प्रकाश छे। 6 यो कयीन त्यो धरती पर थूकलु, आरू तीन थूकसे धरती जारयु, आरू त्यो धरती तीन आंधवान डुवा पर लागाड़ीन 7 त्यो कयो, "जा, शीलोहन ढाबरू मा धुव ले" शीलोहन मतलब मकल्यु छे। त्यो जाईन धुव्यु, आरू देखतु ओसु वापस आयु।