Lucas 18

आँधवो भिखारी क दृष्टीदान

35 जव ईशु यरीहो नगर क नाट पुच्चा, ते दूय आंदवो सडक क धोड़े बठयो हुयो भीख मांग रया हुता। 36 वो गर्दी क चालने की आवाज सोमवीन पुछने लाग्या, "यो काय होय रया छे?"

37 त्या ओको देखाड्या, "ईशु नासरत नगर जाय रया छे।"

38 तव त्यो आयडी क कयो, "हे ईशु, दाऊद कि अवलियाद, हामरे पर दया कर!"

39 जो ओगोव–ओगोव जाय रया हुता, वो ओको लड़ायने लाग्या की चुप रया: पुन वो आरू भी आयड़ने लाग्यो, "हे दाऊद की अवलियाद, मखे पर दया कर!"

40 तव ईशु ने उबा हईन हुकुम देदी की ओको मारे साथे लावु, आरू जव वो आंधवो नीकट आयो ते त्यो ओका सी पुछा, 41 "तु काय जुवता छे की हाव तारे करता करीस?"

त्यो कयो, "हे पोरबु, यो की हाव देखने लाग्यो।"

42 ईशु ने उको कयो, "देखने लाग्या; तारे विश्वास ने तुखे वारू कर दीया छे।"

43 तव वो छाटोत देखने लाग्यो आरू यहोवा–भगवान की बढ़ाई करता हुया ओका पछव होय लेदा; आरू सब मानसे ने देखिन यहोवा–भगवान कि बढ़ाई कर्‍या।