लूका 9

ईशु पाच हजार मानसे क खावड़ायो

10 पछु प्रेरितन पुगीन जो काही त्या कर्‍या हुता, ओको देखाड़ दिया; आरू वो तीनुक अलग करीन बैतसैदा ढोंड्या नगर क ली गया। 11 यो जानीन गर्दी ओको पछव होय गयी, आरू वो खुशी क साथे उनछे मिव्य, आरू उनछे यहोवा–भगवान क राज्य की वात करने लाग्या, आरू जो वारू हुयने जुवता हुता तीनुक वारू कर्‍या।

12 जव दाहडु ढवने लाग्या तो ईशुन बारा चेला ने आवीन ओका सी कयो, "गर्दी क वाट लागाड़ीन चार तरफ गाँव आरू वस्तीमा मा जाईन टिके आरू खानो क उपाय करे, काहकि हामु या सुनसान जागामा छे।"

13 त्यो उनछे कयो, "तुमू ही तीनुक खाने क आपो।"

त्या कयो, "हामरे साथे पाच रूटा आरू दुय मासा क छुड़ीन आरू काही नी; पुन हाव यदि हामु जाईन इन सब मानसे क करता खानो मुवे लेदा, तो होय सकता छे।" वो मानसे तो पाच हजार मानसे लग–भग हुता। 14 "काहकि वा सारी पाच हजार लोगहन हुता"

आरू त्यो आपसा चेला सी कयो, उन लोगहन क बठाड़ देयो।

15 त्या ओसो ही कर्‍या, आरू सब क बठाड़ दिया। 16 तव त्यो वो पाच रूटा आरू मासा लावी, आरू सोरगदूत की आरू देखीन यहोवा–भगवान क धन्यवाद कर्‍या, आरू तुड़ी तुड़ीन चेला क देता गया कि मानसे क पुरछे। 17 तव सब खाईन तुप्त हुया, आरू चेला ने वाच्या हुया तुकड़ा छे बारा खिल्ला भरीन हाकलिया।