Mateus 15

कनानी जातिन बायर क विश्वास

21 ईशु वा सी निकलीन, सोर आरू सीदोन क देश की आरू चाली गिया। 22 आरू देखो, उना परदेश सी एक कनानी बायर निकली, आरू आयड़ीन कयनो लागी, "ए पोरबु! दाऊदन अवलियाद, म्हार पर दया कर, म्हारी पोराय क साहळा बैस सताय रया।"

23 पर ईशु ओको सी काय जावब नी दियो, आरू उका चेला आवीन उका सी विनती करीन कयो, "इनी क भेज दे; काहकि त्या हामरे पछोळ आयड़ती जाईन आवे।"

24 ईशु जावब दियो, "हाव इस्राएल क खुवायला गाडरान क छुड़ीन हाव कोयक पास नी भेजी गयो।"

25 पर ची बायर आवी, आरू ईशु क नमस्कार करीन कयने लागी, "ए पोरबु, म्हारी मदत कर।"

26 ईशु जवाब दियो, "पोर्‍या रोटा लीन कुत्रान क अगल न्हाखनो वारू नी हय।"

27 त्या कहवी, "सच छे पोरबु, पर कुत्रा भी त्या चुरा खाय, जो ओका मालिक क टेबल पर सी पड़े।"

28 इना पर ईशु उको जवाब दीन कयो, "ओ बाई, थारो विश्वास बड़ो छे; जसो तु चाहे, थारे करता वसोत हुये" आरू ओकी पोर्‍या उना समय आरगी हुय गय।