मत्ती 2

3 यो सोमवीन हेरोदेस राजा आरू ओको साथ मा सब यरूशलेम घबराय गियो। 4 तव त्यो लोगहन क सब डाहला पुजारा आरू शास्त्री क एखठा बुलावी उन लोगहन सी पुछा, "मसीह क जनम हईन जुवे?"

5 त्या ओका सी कयो, "यहूदिया क बैतलहम मा, काहकि भविष्यवक्ता क द्वारा यो लिख्यो गयो छे:

6 "हे बैतलहम, तु जो यहूदा क प्रदेश मा छे,

तु काही भी रीति छे यहूदा क हकी मा आखा सी नानो नी;

काहकि थारे मा सी एक अधिपति निकळसे,

जो मारी प्रजा इस्राएल की राखवावी करसे।"

7 तव हेरोदेस ने ज्ञानी क मनेन छे बुलावी उनछे पूछा कि तारा ठीक काही टेहाव देखाय दिदो होतो, 8 आरू त्यो यो कोवीन तीनुक बैतलहम मुकल्यो, "जावु, उना पोर्‍या क बारा मा ठीक–ठीक मालम करो, आरू जव त्यो मिव जाय तो मखे खबर देवु ताकि हाव भी आवीन ओको नमस्कार करीस।"