Paulus sien Breef aun de Galata 3:6-9

6 Jrod soo aus Abraham Gott jleewd, un daut wort am to Jerajchtichkjeit aunjeräakjent. 7 Aulsoo erkjant nu, daut dee, waut ut däm Gloowen sent, dise sent Abraham siene Kjinja. 8 Un de Schreft, verut-seenent, daut Gott de Heiden derch dän Gloowen rajchtfoadjen wudd, haft Abraham dit Evangelium em verut vekjindicht: "En die sellen aul de Nazionen jesäajent woaren." 9 Aulsoo woaren dee, waut ut däm Gloowen sent, met däm jleewenden Abraham jesäajent.