१ यूहन्ना 4

10 सच्चा प्रेम यी हो: कि हम्रे परमेश्वरहे प्रेम नै कर्ली। पर परमेश्वर हम्रिहिन्हे प्रेम करलाँ कि परमेश्वर हमार पापहे हम्रिहिन्से दूर कराइक लग अपन छावाहे बलिदान हुइक लग पठैलाँ, जिहिसे हमार पाप माफ करगिल बा। 11 हे मोरिक प्रिय संघरियन, परमेश्वर हम्रिहिन्हे असिके गजब प्रेम करलाँ। तबेकमारे हम्रे फेन एकदोसर जहनहे प्रेम करे परत। 12 परमेश्वरहे कबु फेन केऊ देख्ले नै हो। यदि हम्रे एकदोसर जहनहे प्रेम कर्बी कलेसे परमेश्वर हमारमे पलिरथाँ, और हुँकार प्रेम हमारमे सिद्ध होजाइत।