१ पत्रुस 2

12 परमेश्वरहे विश्वास नै करुइया मनै तुहुरिन्के आसपासे रथाँ, और तुहुरे गलत करतो कहिके कहे सेक्थाँ। तुहुरे असिन मजा जीवन बिताऊ कि ओइने तुहुरिन्के कर्लक मजा काम देखिँत, और ख्रीष्ट फिर्ता अइना दिनमे परमेश्वरके महिमा करिँत।

शासक और मलिक्वनके अधीनता

13 हम्रे उ सक्कु शासकहुँक्रिहिनके अधिनमे बैठे परत, जेनहे मनै नियुक्त कर्ले रथाँ। काकरेकी उ प्रभुक इच्छा हो। रज्वक अधिनमे बैठो, जे सक्कुहुनके उप्पर शासन करत। 14 हाकिमनके फेन अधिनमे बैठो। काकरेकी गलत काम करुइया मनैनहे सजाय देना और सही काम करुइयनहे प्रशंसा करना अधिकार रज्वा हाकिमनहे देले रथिन।